झोपताना मोबाईल पाहताय? वेळीच सोडा सवय, नाहीतर मेंदूवर होतील हे परिणाम

बीड : मोबाईलचा वाढता वापर आणि झोपेची घटती गुणवत्ता हा सध्या गंभीर होत चाललेला आरोग्यविषयक प्रश्न आहे. तंत्रज्ञानाने जीवन सुलभ केले असले तरी त्याचा अतिरेक आरोग्यावर परिणाम करत आहे. विशेषतः झोपेच्या आधी मोबाईलचा जास्त वापर केल्यास मेंदू सतत सक्रिय राहतो आणि शरीराला विश्रांतीचा योग्य संकेत मिळत नाही. रात्री उशिरापर्यंत सोशल मीडिया, व्हिडिओ किंवा गेम्समध्ये गुंतून राहण्याची सवय अनेकांमध्ये वाढली आहे, ज्यामुळे झोपेची वेळ पुढे ढकलली जाते आणि शरीराचे जैविक घड्याळ विस्कळीत होते.