गाई म्हशींसाठी अनुदान
शेतकऱ्यांना अनुदानावरती आता गाय म्हैस मिळणार आहे. सरकारच्या या योजनेसाठी काही नियम आहेत. यात खुल्या प्रवर्गासाठी अनुदान 50 टक्के असणार आहे. तर अनुसूचित जातींसाठी हे अनुदान 75 टक्के असणार आहे. या योजनेतून गाय व म्हैस भेटणार आहे. तुम्ही यासाठी 'महा बी एम एस, पोर्टलवर जाऊन 8 डिसेंबर पर्यंत अर्ज करू शकता. त्यासोबतच एक ॲप आहे. 'ए एच महा बी एम एस' हे ॲप तुम्ही प्ले स्टोअर वरून डाउनलोड करू शकता. यावर तुम्हाला या योजनेसाठीच्या सर्व तपशील उपलब्ध आहे, असे डॉ. माने यांनी सांगितले.
advertisement
अन्न पचायला होईल मदत; पाहा गुळाचे काय आहेत आश्चर्यकारक फायदे Video
कुक्कुटपालन, शेळीपालनासाठीही अनुदान
गाई म्हशींसोबतच शेतकऱ्यांना कुक्कुटपालन आणि शेळीपालनासाठीही अनुदान मिळते. ही योजना सुद्धा शेतकऱ्यांसाठी फायद्याची आहे. यातून 1 हजार कुक्कुटपालन शेड तयार करू शकता. तसेच शेळीसाठी सुद्धा अनुदान आहे. यात दहा शेळी अधिक एक बोकड अशी ही योजना आहे. यासाठी तुम्ही ऑनलाईन पद्धतीने अर्ज करू शकता, असे डॉ. माने सांगतात.
ऍपमध्ये मिळेल माहिती
शेतकऱ्यांसाठीच्या या योजनांचे लाभ घेण्यासाठी लागणाऱ्या कागदपत्राची सर्व माहिती तुम्हाला ऍपमध्ये मिळते. यामध्ये रेशन कार्ड, आधार कार्ड, पॅन कार्ड, अल्पभूधारक ओळखपत्र अशी मूलभूत कागदपत्रे लागतात. तुम्हाला सुद्धा योजनेचा लाभ घ्यायचा असेल तर तुम्ही 8 डिसेंबरच्या आत या योजनेसाठी अर्ज करू शकता.
तुम्ही डासांमुळे त्रस्त आहात? ‘ही’ झाडे घरात लावा आणि दुर पळवा, Video
8 डिसेंबरच्या आधी अर्ज करा
आमच्या विभागातर्फे सर्व शेतकऱ्यांना विनंती करत आहे, "की जास्तीत जास्त शेतकऱ्यांनी या योजनेसाठी अर्ज करावेत. त्यामुळे नक्कीच त्यांना अनुदान भेटेल. गाय आणि म्हशी तसेच कुक्कूटपालन, शेळीपालन यासाठीही अनुदान भेटेल. सर्वांनी 8 डिसेंबरच्या आधी अर्ज करावे, असे आवाहन जिल्हा पशुसंवर्धन अधिकाऱ्यांनी केले आहे.