मंत्र्यांनी काय सांगितले
अर्थमंत्र्यांनी सांगितले की, काही व्यावसायिक संस्था नॉमिनी अपडेट करण्यासाठी शुल्क आकारत असल्याच्या तक्रारी प्राप्त झाल्या होत्या. यावर स्पष्टीकरण देताना त्यांनी सांगितले की, शासकीय बचत प्रोत्साहन कायद्यात केलेल्या अलीकडील सुधारणांनुसार आता कोणतेही शुल्क न घेता नॉमिनी अपडेट करता येईल.
शेअर बाजारात मोठा गेमचेंजर येणार; उलथापालथ कधी होणार? तुमच्या पैशांचे काय होईल!
advertisement
अर्थमंत्र्यांनी हे देखील स्पष्ट केले की, आता पीपीएफ खातेदार चार लोकांना नॉमिनी म्हणून जोडू शकतात. यामुळे ग्राहकांना अधिक लवचिकता आणि सुविधा मिळेल. सरकारच्या या निर्णयामुळे पीपीएफ गुंतवणूकदारांना दिलासा मिळेल आणि कुटुंबाची आर्थिक सुरक्षितता निश्चित करण्यात मदत होईल.
निर्णय कधीपासून लागू झाला
बचत योजनांमध्ये नॉमिनी बदलण्यासाठी किंवा रद्द करण्यासाठी आकारण्यात येणाऱ्या शुल्काबाबत अर्थ मंत्रालयाने 2 एप्रिल 2025 रोजी अधिसूचना जारी करून या बदलाची घोषणा केली आहे. अधिसूचनेनुसार सरकारने शासकीय बचत प्रोत्साहन सामान्य नियम, 2018 मध्ये सुधारणा करून नॉमिनी बदलण्यासाठी किंवा रद्द करण्यासाठी आकारण्यात येणारे 50 शुल्क रद्द केले आहे. हा नियम अधिसूचनेच्या प्रकाशन तारखेपासून लागू झाला आहे.
सरकारच्या या निर्णयामुळे पीपीएफ, सुकन्या समृद्धी योजना, ज्येष्ठ नागरिक बचत योजना यांसारख्या इतर लहान बचत योजनांच्या खातेदारांना दिलासा मिळणार आहे. यामुळे लोक त्यांच्या खात्यांमध्ये नामांकित व्यक्तीला कोणतेही अतिरिक्त शुल्क न भरता अपडेट किंवा बदल करू शकतील.