याच पार्श्वभूमीवर, अमेरिकेतील प्रसिद्ध गुंतवणूक संस्था गोल्डमॅन सॅक्स (Goldman Sachs) यांनी भारतीय बाजारातील काही निवडक शेअर्स खरेदी करण्याची शिफारस केली आहे. यामध्ये एचडीएफसी बँक, अडानी पोर्ट्स, टायटन, महिंद्रा & महिंद्रा यांसारख्या आघाडीच्या कंपन्यांचा समावेश आहे.
मोहम्मद शमीच्या बहीणीने केला मोठा घोटाळा, केंद्र सरकारला चुना लावला
चांगल्या शेअर्सची माहिती घेण्यासाठी किरकोळ गुंतवणूकदार अनेकदा मोठ्या गुंतवणूक संस्थांवर अवलंबून असतात. अमेरिकेतील सर्वात मोठी गुंतवणूक संस्था असलेल्या गोल्डमन सॅक्सने भारतीय बाजारात व्यापार करणाऱ्या अनेक शेअर्समध्ये गुंतवणूक करण्याचा सल्ला दिला आहे. स्टॅटिस्टानुसार 2024 मध्ये गोल्डमनकडे 3.1 लाख कोटी डॉलर्स किंवा 265 लाख कोटी रुपयांचा निधी व्यवस्थापनाखाली होता.
advertisement
22 टक्के लोक देश सोडायच्या तयारीत, सर्व्हेतून धक्कादायक गोष्टी समोर आल्या
एचडीएफसी बँक: गोल्डमन सॅक्सने प्रति शेअर 2,090 रुपयांचे लक्ष्य दिले आहे, ज्यात 15% पर्यंत वाढ होण्याची शक्यता आहे. बँक आरबीआयच्या तरलता धोरणांचा (लिक्विडिटी पॉलिसी) फायदा घेऊ शकते. ज्यामुळे ठेवींच्या वाढीला (डिपॉझिट ग्रोथ) पाठबळ मिळेल. कर्ज-ते-ठेवींचे प्रमाण स्थिर झाल्यानंतर कर्ज वाढीमध्ये सुधारणा होण्याची अपेक्षा आहे.
एयू स्मॉल फायनान्स बँक: 796 रुपयांचे लक्ष्य निश्चित करण्यात आले आहे. याला ग्रोथ ॲट अ रीझनेबल प्राइस (जीएआरपी) स्टॉक मानले गेले आहे. एफवाय25-27ई दरम्यान 31% सीएजीआरच्या कमाईत वाढीचा अंदाज आहे. निधीच्या खर्चाच्या दरात सुधारणा आणि मजबूत कोर पोर्टफोलिओमुळे स्थिरता कायम राहील.
टायटन: 3,900 रुपयांचे लक्ष्य निश्चित करण्यात आले आहे. दागिन्यांच्या व्यवसायातील ईबीआयटी वाढ एफवाय26ई मध्ये 20% पर्यंत वाढण्याची शक्यता आहे. 15%+ दागिन्यांच्या महसुलात वाढ आणि ईबीआयटी मार्जिनमध्ये 11-11.5% सुधारणा झाल्यामुळे ही वाढ शक्य होईल.
EPFO खातेदारांसाठी क्रांतिकारी निर्णय; PFचे पैसे थेट ATM, UPIद्वारे काढता येणार
जीसी पीएल: 1,370 रुपयांचे लक्ष्य ठेवण्यात आले आहे. कंपनीची कामगिरी नवीन फॉर्म्युलेशनमुळे सुधारली आहे. एअर केअर आणि फॅब्रिक केअरमध्ये तेजी आणि साबणाच्या किंमतीत वाढ झाल्यामुळे ईबीआयटीडीए मार्जिनमध्ये सुधारणा होईल.
अदानी पोर्ट आणि एसईझेड: 1,400 रुपयांचे लक्ष्य निश्चित करण्यात आले आहे. एफवाय26-27ई मध्ये पोर्ट व्हॉल्यूममध्ये वाढ होण्याची शक्यता आहे. कोलंबो, टांझानिया, गोपालपूर आणि विझिंजम पोर्टच्या संचालनमुळे दुहेरी अंकी वाढ शक्य होईल.
इंडिगो: 5,050 रुपयांचे लक्ष्य देण्यात आले आहे. एअरलाइनच्या नवीन विमानांच्या डिलिव्हरीमुळे बाजारातील हिस्सा वाढेल. उद्योगात एकत्रीकरण होत आहे आणि कंपनीच्या खर्च कार्यक्षमतेमुळे नफ्यात सुधारणा होईल.
महिंद्रा अँड महिंद्रा: 3,800 रुपयांचे लक्ष्य ठेवण्यात आले आहे. अनलिस्टेड उपकंपन्यांकडून मूल्य अनलॉक होण्याची शक्यता आहे. ईव्ही रेंजचा पुरवठा क्यू2सीवाय25 पासून वाढेल आणि पीएलआय योजनेचा कंपनीला फायदा होऊ शकतो.
अपोलो हॉस्पिटल्स: 8,025 रुपयांचे लक्ष्य निश्चित करण्यात आले आहे. एफवाय26ई मध्ये हॉस्पिटल ऑक्युपन्सी 210 बेसिस पॉइंट्सपर्यंत वाढण्याची शक्यता आहे. ऑनलाइन प्लॅटफॉर्म अपोलो 24×7 च्या ब्रेक-इव्हनवर पोहोचण्याची आणि डायग्नोस्टिक्स व्यवसायाच्या विस्ताराची शक्यता आहे.
शेअर बाजारात पैसे गुंतवणे म्हणजे आत्मघात; फंड मॅनेजरने इशाऱ्याने झोप उडाली
पॉवर ग्रिड: 375 रुपयांचे लक्ष्य निश्चित करण्यात आले आहे. भारतात एफवाय50ई पर्यंत पॉवर ट्रान्समिशन इन्फ्रास्ट्रक्चरवर 500 अब्ज डॉलर्सपेक्षा जास्त गुंतवणूक होईल. सिस्टीमची स्थिरता टिकवण्यासाठी ग्रिड विस्ताराला पॉवर जनरेशनपेक्षा वेगाने वाढवावे लागेल.
(Disclaimer: येथे दिलेले स्टॉक्स केवळ माहिती देण्यासाठी आहेत. जर तुम्हाला यापैकी कोणत्याही स्टॉकमध्ये गुंतवणूक करायची असेल, तर कृपया प्रमाणित गुंतवणूक सल्लागाराचा सल्ला घ्या. तुमच्या कोणत्याही प्रकारच्या नफा किंवा तोट्यासाठी न्यूज18 मराठी जबाबदार राहणार नाही.)