बृहन्मुंबई महानगरपालिकेमार्फत पवई अँकर ब्लॉक ते मरोशी जलबोगदा (टनेल शाफ्ट) दरम्यान नवीन 2400 मिलीमीटर व्यासाची जलवाहिनी अंथरण्याचे काम पूर्ण झाले आहे. त्यामुळे 1800 मिलीमीटर व्यासाच्या तानसा पूर्व आणि पश्चिम या दोन जलवाहिन्या अंशतः खंडित करून नवीन एकच 2400 मिलीमीटर व्यासाची जलवाहिनी कार्यान्वित करण्यात येणार आहे. त्यामुळे 30 तासांसाठी मुंबई शहरातील एस (भांडुप), एल (कुर्ला), के पूर्व (अंधेरी पूर्व), एच पूर्व (वांद्रे पूर्व) आणि जी उत्तर (सायन, माटुंगा) विभागासह काही भागातील पाणीपुरवठा बंद ठेवण्यात येणार आहे.
advertisement
या विभागात पाणीपुरवठा बंद
एस विभाग
श्रीरामपाडा, खिंडीपाडा, तुळशेतपाडा, मिलिंद नगर. नरदास नगर, शिवाजी नगर, मरोडा हिल, भांडुप (पश्चिम), गौतम नगर, फिल्टर पाडा, महात्मा फुले नगर, पासपोली गाव, तानाजीवाडी उदंचन केंद्र, मोरारजी नगर. सर्वोदय नगर, गावदेवी टेकडी. तुळशेतपाडा, टेंभीपाडा, नरदास नगर, रमाबाई नगर 1 आणि 2, साई हिल भांडुप जलाशय येथून होणारा पाणीपुरवठा बंद राहील.
एस विभाग
क्वारी मार्ग, प्रताप नगर मार्ग, जंगल मंगल मार्ग, टेंभीपाडा, गावदेवी मार्ग, दत्त मंदीर मार्ग, लेक मार्ग, सोनापूर जंक्शन ते मंगतराम पेट्रोल पंपपर्यंतचा लालबहादूर शास्त्री मार्ग लगतचा परिसर, भांडुप (पश्चिम), शिंदे मैदान जवळील परिसर, प्रताप नगर मार्ग, फुले नगर टेकडी, रामनगर उदंचन केंद्र, रावते कंपाऊंड उदंचन केंद्र, हनुमान टेकडी, अशोक टेकडी, (नवीन हनुमान नगर)
थंडी होणार गायब, पुढील 2 दिवस राज्यामध्ये ढगाळ वातावरण, हवामानाचं महत्त्वाचं अपडेट
एल विभाग
कुर्ला दक्षिणमधील काजूपाडा, सुंदरबाग, नवपाडा, हलावपूल, न्यू मील मार्ग, कपाडिया नगर, नवीन म्हाडा वसाहत, परिघखाडी, तकिया वॉर्ड, महाराष्ट्र काटा, गफुर खान इस्टेट, पाईप लाईन मार्ग, लालबहादूर शास्त्री मार्ग (पूर्व व पश्चिम), क्रांती नगर, संभाजी चौक, रामदास चौक, अण्णा सागर मार्ग या भागात 5 फेब्रुवारी रोजी पाणीपुरवठा पूर्णत: बंद राहील. तर कुर्ला उत्तर मध्ये 90 फीट रोड, कुर्ला – अंधेरी मार्ग, जरीमरी, घाटकोपर – अंधेरी जोडरस्ता, साकीविहार मार्ग, मारवा उद्योग मार्ग भाग, सत्यनगर पाईपलाईन या परिसरात गुरुवारी, 6 फेब्रुवारी रोजी पाणीपुरवठा पूर्णत: बंद राहील.
जी उत्तर विभाग
धारावी मुख्य मार्ग, गणेश मंदीर मार्ग, दिलीप कदम मार्ग, जस्मीन मील मार्ग, माहीम फाटक, ए. के. जी. नगर भागात बुधवारी, 5 फेब्रुवारी रोजी पाणीपुरवठा पूर्णत: बंद राहील. तर जस्मिन मील मार्ग, माटुंगा लेबर कॅम्प, संत रोहिदास मार्ग, 60 फीट मार्ग, 90 फीट मार्ग, संत कक्कया मार्ग, एम. पी. नगर धोरवडा, एम. जी. मार्ग, धारावी लूप मार्ग, ए. के. जी. नगर या ठिकाणी गुरुवारी, 6 फेब्रुवारी रोजी पाणीपुरवठा पूर्णत: बंद राहील.
के पूर्व विभाग
विजय नगर मरोळ, मिलीट्री मार्ग, वसंत ओॲसिस, गावदेवी, मरोळ गाव, चर्च रोड, हिल व्ह्यू सोसायटी, कदमवाडी, भंडारवाडा, उत्तम ढाबा परिसरात बुधवारी, 5 फेब्रुवारी रोजी पाणीपुरवठा पूर्णत: बंद राहील. ओमनगर, कांतीनगर, राजस्थान सोसायटी, साई नगर (तांत्रिक क्षेत्र) सहार गाव, सुतारपाखाडी (पाईपलाईन क्षेत्र) आदी भागात गुरुवारी पाणीपुरवठा पूर्णत: बंद राहील. तसेच आंतरराष्ट्रीय विमानतळ व सिप्झ- मुलगाव डोंगरी, एम. आय. डी. सी., मार्ग क्रमांक 1 ते 23, ट्रान्स अपार्टमेंट, कोंडीविटा, महेश्वरी नगर, उपाध्याय नगर, ठाकूर चाळ, साळवे नगर, भवानी नगर, दुर्गापाडा, मामा गॅरेज या ठिकाणी बुधवारी आणि गुरुवारी पाणीपुरवठा पूर्णपणे बंद राहील.
के पूर्व विभाग
चकाला, प्रकाश वाडी, गोविंद वाडी, मालपा डोंगरी क्रमांक 1 आणि 2, हनुमान नगर, मोटा नगर, शिवाजी नगर, शहीद भगतसिंग वसाहत (भाग), चरतसिंग वसाहत (भाग), मुकुंद रुग्णालय, तांत्रिक विभाग, लेलेवाडी, इंदिरा नगर, मापखान नगर, टाकपाडा, विमानतळ मार्ग क्षेत्र, चिमटपाडा, सागबाग, मरोळ औद्योगिक क्षेत्र, रामकृष्ण मंदीर रोड, जे. बी. नगर, बगरखा मार्ग, कांतीनगर आदी भागात बुधवारी आणि गुरुवारी पाणीपुरवठा पूर्णत: बंद राहील. तसेच के पूर्व विभागातील कबीर नगर, बामणवाडा, पारसीवाडा, विमानतळ क्षेत्र, तरुण भारत वसाहत, इस्लामपुरा, देऊळवाडी, पी. ऍन्ड. टी. वसाहत येथे बुधवारी आणि गुरुवारी पाणीपुरवठा पूर्णत: बंद राहील.
एच पूर्व विभाग
वांद्रे टर्मिनस परिसरात बुधवार आणि गुरुवारी पाणीपुरवठा पूर्णत: बंद राहील. तसेच ए. के. मार्ग, खेरवाडी सर्व्हिस रोड, बेहराम पाडा, खेरनगर, निर्मल नगर (वांद्रे पूर्व) या परिसरात देखील गुरुवारी पाणीपुरवठा पूर्णपणे बंद राहील.
दरम्यान, 30 तासांसाठी पाणीपुरवठा बंद राहणार अशल्याने संबंधित परिसरातील नागरिकांनी आवश्यकतेनुसार पाणीसाठा करून ठेवावा. तसेच पाणीपुरवठा बंद राहण्याच्या कालावधीत पाण्याचा काटकसरीने वापर करावा. जलवाहिनी दुरुस्तीनंतर पाणीपुरवठा गढूळ होण्याची शक्यता आहे. त्यामुळे खबरदारीचा उपाय म्हणून नागरिकांनी पाणी उकळून व गाळून प्यावे, असे आवाहन महापालिकेच्या वतीने करण्यात आले आहे.