TRENDING:
मोरा बंदरातून घारापुरीपर्यंतच्या जलप्रवासासाठी एकेरी तिकीट दर 65 रुपये निश्चित करण्यात आला आहे. गेल्या वर्षीप्रमाणेच यंदाही दर कायम ठेवण्यात आल्याची माहिती मोरा बंदराचे अधिकारी नितीन कोळी यांनी दिली. जेएनपीए मार्गावरही प्रवासासाठी निर्धारित दर आकारण्यात येणार आहेत.
ST प्रवासात सवलत हवीये? NCMC कार्ड काढलंत का? महामंडळाचा मोठा निर्णय, कुणाला फायदा?
advertisement
घारापुरी येथील जगप्रसिद्ध शिवलिंग आणि ऐतिहासिक लेण्यांचे दर्शन घेण्यासाठी महाशिवरात्रीच्या दिवशी हजारो शिवभक्त येथे दाखल होतात. मुंबई, नवी मुंबई, अलिबाग, न्हावा तसेच इतर किनारी भागांतूनही मोठ्या संख्येने भाविक बोटीने प्रवास करतात. या सर्व व्यवस्थेचे नियोजन महाराष्ट्र मेरीटाईम बोर्डामार्फत करण्यात आले आहे. यासंदर्भात नुकतीच बोर्डाची बैठक पार पडली असून जलप्रवास सुरक्षाव्यवस्था आणि तिकीट दर यावर सविस्तर चर्चा करण्यात आली.
मोरा बंदरातून सर्वाधिक भाविक प्रवास करतात तर घारापुरी हे जेएनपीटी बंदरापासून सर्वांत जवळ असल्याने त्या मार्गालाही चांगला प्रतिसाद मिळतो. रविवारी जेएनपीटी जेट्टीवरून सकाळी 7 ते दुपारी 3.30 वाजेपर्यंत जलसेवा उपलब्ध असणार आहे.
दरम्यान, तिकीटाची भाडेवाढ रोखण्यासाठी प्रशासनाने एकेरी 65 रुपये दर निश्चित केला असून अतिरिक्त दर आकारणाऱ्यांवर कारवाईचा इशाराही देण्यात आला आहे. तसेच प्रत्येक बोटीत कमाल 150 प्रवाशांपर्यंतच वाहतूक करण्याचे निर्देश देण्यात आले आहेत. सुरक्षेच्या दृष्टीने आपत्कालीन सुविधा आणि बंदरावरील नियंत्रण कक्ष सज्ज ठेवण्यात येणार आहे. महाशिवरात्रीच्या निमित्ताने भाविकांची मोठी गर्दी अपेक्षित असल्याने प्रशासनाने सर्वांना नियमांचे पालन करून सहकार्य करण्याचे आवाहन केले आहे.