Suzuki Burgman ने वळणावर दिला दगा, डोळ्यादेखत 2 मित्रांचा करुण अंत, मुंब्य्रातील घटनेचा CCTV VIDEO

मिळालेल्या माहितीनुसार,  मुंब्रा येथील एमएम व्हॅली परिसरात दुपारी २ वाजेच्या सुमारास ही घटना घडली. अविनाश दवंडे (वय 20) आणि संगम फुलशेरे (वय 17) अशी मृतांची नावं आहे. हे दोघेही ठाकूरपाडा  मुंब्रा येथील रहिवासी आहे. त्यांच्यासोबत तिसरा युवक महेश वारे (वय 18) हा गंभीर जखमी असून, त्याच्या पायाला गंभीर दुखापत झाली आहे. त्याच्यावर रुग्णालयात उपचार सुरू आहे

जखमी महेश वारेला सध्या मुंब्रा येथील हकीम हजमल खान रुग्णालयात उपचार सुरू आहेत. या घटनेचा सीसीटीव्ही व्हिडीओ समोर आला आहे.  सीसीटीव्ही फुटेजमध्ये दिसत आहे की, दुचाकीस्वार वेगात बसच्या पुढे जाण्याचा प्रयत्न करत होता. मात्र, अचानक गाडीचा तोल गेल्याने ही भीषण दुर्घटना घडली. या घटनेमुळे परिसरात शोककळा पसरली असून, मृतांच्या कुटुंबियांवर दुःखाचा डोंगर कोसळला आहे. नागरिकांकडून वाहतूक नियमांचे पालन करण्याचे आवाहन करण्यात येत आहे.