TRENDING:
मुंबईत आठवीच्या मुलाचे भयंकर कृत्य
मिळालेल्या माहितीनुसार मुंबईतील एका नामांकित शाळेत आठवीत शिकणारा आरोपी विद्यार्थी काही दिवसांपासून आपल्या वर्गमित्राशी अश्लील वर्तन करत होता. यानंतर आरोपीने पीडित मुलाला त्याच्या घराजवळील एका निर्जन ठिकाणी नेऊन त्याच्यावर लैंगिक अत्याचार करण्याचा प्रयत्न केल्याचे समोर आले आहे. या घटनेनंतर पीडित मुलाने घाबरून बराच काळ कोणालाही काही सांगितले नाही.
advertisement
काही दिवसांपूर्वी पीडित मुलाने ही संपूर्ण घटना आपल्या आईला सांगितली. हे ऐकताच आईने कोणताही उशीर न करता थेट पोलिस ठाणे गाठले आणि तक्रार दाखल केली. पालकांच्या तक्रारीनंतर पोलिसांनी तपास केला असता फेब्रुवारी 2025 मध्ये आरोपी विद्यार्थ्याने पीडित मुलाला मारहाण केल्याचे तसेच शाळेच्या बाथरूममध्ये नेऊन त्याच्यावर बळजबरी केल्याचेही समोर आले आहे.
या प्रकरणी पोलिसांनी गुन्हा दाखल करून पोस्को कायद्याअंतर्गत कारवाई सुरू केली आहे. तसेच शाळेचे अधिकारी, शिक्षक आणि संबंधित पालकांची चौकशी सुरू आहे. या घटनेनंतर संबंधित शाळेतील विद्यार्थी आणि पालकांमध्ये भीतीचे वातावरण पसरले असून शाळांमधील सुरक्षिततेचा मुद्दा पुन्हा एकदा ऐरणीवर आला आहे.