मुंबईकरांनो, पाणी जपून वापरा! उन्हाळ्याच्या तोंडावर पाणी बंद, कधी आणि कुठं?

मुंबईतील गोरेगाव परिसरात 24 तासांसाठी पाणीपुरवठा बंद राहील. दुरुस्ती कामानंतर देखील काही काळ कमी दाबाने पाणीपुरवठा होण्याची शक्यता आहे. त्यामुळे नागरिकांनी पाण्याचा अपव्यय टाळावा. तसेच गरजेनुसार पाण्याचा साठा करून ठेवावा, असे आवाहन महापालिकेने केले आहे.

Weather Alert: महाराष्ट्रात 48 तास धोक्याचे, मार्चमध्येच सूर्याचा प्रकोप, 14 जिल्ह्यांना अलर्ट

इथं पाणीपुरवठा बंद राहणार

advertisement

'पी पूर्व' आणि ‘पी दक्षिण’ भागात पाणीपुरवठा बंद राहणार आहे. यामध्ये शिवशाही प्रकल्प, श्रीकृष्ण नगर, इंदिरा गांधी संशोधन संस्था, सॅटेलाईट टॉवर, माळी नगर, संतोष नगर, हबळे पाडा, नगरमोडे पाडा, उमरशेट पाडा, सुनील मैदान, फिल्म सिटी मार्गालगतचा परिसर आदी भागात पाणीपुरवठा बंद राहील.

या भागात कमी दाबाने पुरवठा

मंगळवारी रोजी मोहन गोखले मार्ग, कृष्णा वाटिका मार्ग, साई मार्ग आणि आर्य भास्कर मार्ग या भागांत कमी दाबाने पाणीपुरवठा होण्याची शक्यता आहे.