पाण्याची टाकी, हंडा सगळं भरून ठेवा, पनवेलला 36 तास थेंबही येणार नाही, कधी आणि कुठं? पाहा सविस्तर

लोकसंख्या वाढीमुळे पनवेलची पाण्याची गरज देखील वाढली आहे. त्यामुळे न्हावा-शेवा पाणीपुरवठा योजनेत सुधारणा करण्यात येत आहेत. भोकरपाडा येथील जलशुद्धीकरण केंद्रात विद्युत आणि स्थापत्य दुरुस्तीची कामे हाती घेण्यात आली आहेत. तसेच वाढीव न्हावा-शेवा पाणीपुरवठा योजना टप्पा-3 अंतर्गत टाकण्यात आलेली जलवाहिनी देखील कार्यान्वित केली जाणार आहे.

Weather Alert: कुठं उष्णतेची लाट, तर कुठं अवकाळी अलर्ट, महाराष्ट्रावर पुन्हा संकट

advertisement

या भागासाठी जलवाहिनी

भोकरपाडा ते ठोंबरेवाडी येथील वाधवा सिटी, गाढी नदी परिसर तसेच विसपुते कॉलेज परिसरात जलवाहिनी कार्यान्वित करण्याचे काम करण्यात येईल. त्यामुळे या भागातील एमजेपीच्या न्हावा-शेवा केंद्रातून होणारा सर्व ग्राहकांचा पाणीपुरवठा पूर्णपणे बंद राहील.

या भागात पाणीपुरवठा बंद

सिडकोच्या कळंबोली, नवीन पनवेल, पनवेल शहर, खांदेश्वर, करंजाडे आणि नावडे या भागांवर शटडाउनचा परिणाम होईल. तसेच करंजाडे, डेरीवली, वडघर, विचुंबे, उसर्ली, बेलवली - बारदोली आणि नांदगाव-कुडावे या गावांचा पाणीपुरवठा बंद राहील.

दरम्यान, पाणीपुरवठा बंद राहणार असल्याने सिडको प्रशासनाने नागरिकांना पाण्याचा आवश्यक साठा करून ठेवण्याचे तसेच पाणी जपून वापरण्याचे आवाहन केले आहे.