सध्या या मतदारसंघामध्ये गजानन किर्तीकर हे खासदार आहेत. मात्र गजनान किर्तीकर यांनी मुख्यमंत्री एकनाथ शिंदे यांना पाठिंबा दिल्यानं या मतदारसंघातून कोणाला उमेदवारी द्यायची असा मोठा प्रश्न ठाकरे गटासमोर आहे. मिळत असलेल्या माहितीप्रमाणे या जागेवर आता ठाकरे गट गजानन किर्तीकर यांचा मुलगा अमोल किर्तीकर यांनाच उमेदवारी देण्याच्या तयारीमध्ये आहे. अमोल किर्तीकर यांना उमेदवारी मिळाल्यास या मतदारसंघात वडिलांविरोधात मुलगा असा सामना रंगू शकतो.
advertisement
विभागप्रमुखांचीही होणार बैठक
गणेशोत्सवापूर्वी मुंबई वगळता राज्यातील इतर लोकसभा मतदारसंघाचा आढावा ठाकरे गटाकडून घेण्यात आला होता. आता मुंबईतील सहा लोकसभा मतदारसंघांचा आढावा घेतला जात आहे. या बैठकीनंतर मुंबईतल्या सर्व विभागप्रमुखांचीही बैठक आयोजित करण्यात आली आहे. दसरा मेळाव्याची तयारी आणि होवू दे चर्चा कार्यक्रमाच्या आयोजनाबाबत ही बैठक होणार असल्याची माहिती समोर येत आहे.