TRENDING:
डोंबिवलीतील आरोपी हरीश भावे हा घरोघरी जाऊन पूजा-अर्चा करणारा पुजारी आहे. पीडित मुलगी ही आरोपीच्या शेजारीच राहते. तिच्या घरी आरोपीचे येणे-जाणे होते. याच ओळखीचा गैरफायदा घेत त्याने घेतला. पीडित मुलीचे आई-वडील कामासाठी बाहेर गेले होते. तेव्हा त्याने चिमुकलीवर लैंगिक अत्याचार केला.
advertisement
पीडित मुलीने आई-वडील घरी आल्यानंतर त्यांना घडलेला प्रकार सांगितला. त्यामुळे ही भयंकर घटना उघडकीस आली. त्यानंतर संतप्त पालकांनी टिळकनगर पोलिसांत धाव घेत तक्रार दाखल केली. पोलिसांनी घटनेचं गांभीर्य पाहून आरोपीविरोधात तात्काळ गुन्हा दाखल केला. तसेच त्याला अटक केली.
दरम्यान, गेल्या काही काळापासून महिला व मुलींवरील अत्याचाराच्या घटना वाढल्या असून सातत्याने नवीन प्रकरणे पुढे येत आहेत. त्यामुळे नागरिकांत भीती आणि संतापाचे वातावरण आहे. आता धार्मिक कार्य करणाऱ्या व्यक्तींकडूनच फसवणूक होत असल्याने लोकांमधून तीव्र प्रतिक्रिया उमटत आहेत. तसेच कठोर कारवाईची मागणी होत आहे.