Western Railway: प्रवाशांनो लक्ष असु द्या! विकेंडला पश्चिम रेल्वेवर असणार मेगाब्लॉक, 250 लोकल रद्द; वेळापत्रक पाहूनच घराबाहेर पडा

20 डिसेंबर 2025 ते 18 जानेवारी 2026 पर्यंत हा विशेष मेगाब्लॉक घेतला आहे. प्रत्येक विकेंडला रेल्वेकडून विशेष मेगाब्लॉक घेतला जात आहे, त्याप्रमाणेच या विकेंडला देखील तब्बल 250 हून अधिक लोकल्स रद्द केल्या जाणार आहेत. त्यामुळे जर तुम्ही येत्या विकेंडला पश्चिम रेल्वेवर प्रवास करण्याचा विचार करत असाल तर आधी रेल्वेचं वेळापत्रक पाहूनच घराबाहेर पडाल. यापूर्वीही शेकडो लोकल फेऱ्या रद्द करण्यात आल्या आहेत. विशेष ब्लॉकमुळे प्रवाशांना चांगलाच फटका बसत आहे. पश्चिम रेल्वेच्या अधिकाऱ्यांनी दिलेल्या माहितीनुसार, शुक्रवारी आणि शनिवारच्या मध्यरात्री पासून मेगाब्लॉकला सुरूवात होणार आहे.

advertisement

शुक्रवारी (09 जानेवारी) रात्री 11:15 पासून ते शनिवारी (10 जानेवारी) मध्यरात्री 03:15 वाजेपर्यंत अप जलद मार्गावर आणि शनिवारी (10 जानेवारी) मध्यरात्री 01:00 वाजल्यापासून ते पहाटे 04:30 वाजेपर्यंत ब्लॉक घेतला जाणार आहे. या काळात कांदिवली स्थानकावर पॉइंटची जोडणी करण्यासाठी हा ब्लॉक घेण्यात येणार असल्याची माहिती पश्चिम रेल्वेच्या अधिकाऱ्यांनी दिली आहे. तर, रविवारी (11 जानेवारी) रात्री कांदिवली आणि मालाड स्थानकादरम्यान डाउन जलद मार्गावर मोठा ब्लॉक घेण्यात येणार आहे. अप आणि डाउन जलद मार्गावर मध्यरात्री 01:00 ते सकाळी 06:30 वाजेपर्यंत तर धीम्या मार्गावर मध्यरात्री 01:00 ते पहाटे 04:00 वाजेपर्यंत ब्लॉक असणार आहे.

पश्चिम रेल्वेवर लोकल प्रमाणेच लांब पल्ल्याच्या गाड्यांना सुद्धा मेगाब्लॉकचा फटका बसणार आहे. अनेक लांबपल्ल्याच्या सुपरफास्ट एक्सप्रेस आणि मेल यांना रद्द केले आहे तर काही गाड्या उशिराने चालवल्या जाणार आहेत. त्यामुळे जर तुम्ही या काळात लांबपल्ल्याच्या गाडीने प्रवास करणार असाल तर व्यवस्थित विचारपूस करूनच प्रवास कराल.