न्यूयॉर्कच्या तोडीस तोड! नवी मुंबईत उभारणार 45,000 क्षमतेचे जागतिक दर्जाचे करमणूक केंद्र; सिडकोकडून तयारी सुरू

नवी मुंबईत उभारणार 45,000 क्षमतेचे जागतिक दर्जाचे करमणूक केंद्र

न्यूयॉर्कमधील मॅडिसन स्क्वेअर गार्डन आणि लंडनमधील ओटू अरेनाच्या प्रेरणेवर हा प्रकल्प आधारित आहे. यामुळे नवी मुंबईत जागतिक दर्जाची करमणूक खुली होईल आणि कलाकार, उद्योजक तसेच स्थानिकांसाठी अनेक संधी उपलब्ध होतील. सिडकोचे व्यवस्थापकीय संचालक विजय सिंघल यांनी सांगितले की, यामुळे नवी मुंबईचे जागतिक स्तरावर स्थान अधिक बळकट होईल.

advertisement

महत्त्वाचे म्हणजे हा प्रकल्प रोजगारनिर्मितीला चालना देईल तसेच पर्यटन वाढवेल आणि नवीन उद्योगांच्या संधी निर्माण करेल. अरेनामध्ये 20 हजार बसून पाहणारे आणि 25 हजार उभे प्रेक्षक यांची क्षमता असेल. यामुळे देशातील हा पहिला जागतिक दर्जाचा आणि मोठ्या क्षमता असलेला इनडोअर अरेना बनेल.

अटल सेतू ट्रान्स-हार्बर लिंक, हाय-स्पीड रेल्वे मार्ग आणि नवी मुंबई मेट्रोमुळे शहराची कनेक्टिव्हिटी सुधारली आहे. नेरूळ जेट्टीमुळे पर्यटन, जलवाहतूक आणि चित्रपटनिर्मितीच्या संधीही वाढणार आहेत. खारघरमधील सेंटर ऑफ एक्सलन्समध्ये फिफा मानकांची चार खेळपट्ट्या आणि 4 हजार आसनांची स्टेडियम सुविधा आहे. तसेच खारघर व्हॅली गोल्फ कोर्समुळे नवी मुंबईचे क्रीडा आणि करमणूक क्षेत्र अधिक बळकट झाले आहे.