TRENDING:
समोर आलेल्या व्हिडीओनुसार, बंगळुरू भागातील कुटुंब एका कुरिअर ऑफिसमध्ये पोहोचले. त्यांच्यासोबत एक मोठी पोतं असल्याचे सीसीटीव्ही फुटेजमध्ये स्पष्ट दिसत आहे, हे कुटुंबीय कुरिअर ऑफिसच्या कर्मचाऱ्यांना ते पोतं आत ओढून नेण्यास सांगत आहेत. कर्मचाऱ्यांना संशय आल्याने त्यांनी ते पोतं उघडलं. पोतं उघडताच कर्मचारीही हादरले कारण आत एक वृद्ध व्यक्ती श्वास घेण्यासाठी धडपडत होती. मानवी तस्करी किंवा काही गंभीर गुन्हा असल्याच्या भीतीने कर्मचाऱ्यांनी तात्काळ पोलिसांना संपर्क केला.
advertisement
पाच जणांना ताब्यात घेऊन त्यांची कसून चौकशी
पोलिसांनी या कुटुंबातील पाच जणांना ताब्यात घेऊन त्यांची कसून चौकशी केली. यावेळी या प्रकारामागील महिलेने धक्कादायक कबुली दिली. सध्या सणासुदीमुळे बसची तिकिटे महाग झाली आहेत आणि जागा मिळत नाही, हे उपरोधिकपणे दाखवण्यासाठी आम्ही हा प्रकार केल्याचे तिने सांगितले. मात्र, वडिलांचा जीव धोक्यात घालून केलेल्या या कृत्यामुळे पोलिसांनी या सर्वांना चांगलाच 'खाक्या' दाखवला.
पोलिसांच्या कारवाईनंतर कुटुंबाचे उघडले डोळे
पोलिसांच्या कारवाईनंतर या कुटुंबाचे डोळे उघडले. त्यांनी सोशल मीडियावर एक व्हिडr ओ पोस्ट करून जाहीर माफी मागितली आहे. आम्हाला हे चुकीचे आहे हे माहीत नव्हते, कृपया आम्हाला माफ करा. कोणीही पुन्हा अशी चूक करू नका, असे आवाहन त्यांनी या व्हिडिओद्वारे केले आहे. मात्र, केवळ प्रसिद्धीसाठी वडिलांना वस्तू समजणाऱ्या या कुटुंबावर कठोर कारवाईची मागणी होत आहे.