TRENDING:
या चाचणीत इंजिनने 22 टन इतका प्रचंड थ्रस्ट (शक्ती) निर्माण केला. ही कामगिरी भारताच्या सर्वात जड रॉकेट LVM3 ची क्षमता अनेक पटींनी वाढवणारी ठरणार आहे. यापूर्वी या इंजिनची चाचणी 19 टन थ्रस्टवर घेतली जात होती. या अपग्रेडचा थेट फायदा असा होणार आहे की आता भारताला अधिक वजनाचे उपग्रह सहजपणे अंतराळात पाठवणे शक्य होणार आहे.
advertisement
22 टन थ्रस्ट! 165 सेकंदांच्या चाचणीने भारताची मोठी झेप
या इंजिनची चाचणी समुद्रसपाटीवर 165 सेकंदांसाठी घेण्यात आली. ही प्रक्रिया अत्यंत आव्हानात्मक होती. कारण उच्च दाब आणि तीव्र कंपामुळे इंजिनच्या नोजलला नुकसान होण्याचा धोका असतो. यासाठी वैज्ञानिकांनी ‘नोजल प्रोटेक्शन सिस्टम’ (NPS) नावाची विशेष प्रणाली वापरली. संपूर्ण चाचणीदरम्यान इंजिनने अपेक्षेनुसार उत्कृष्ट कामगिरी केली.
ही यशस्वी चाचणी महत्त्वाची मानली जात आहे कारण भविष्यात LVM3 रॉकेटच्या मोहिमांमध्ये अधिक प्रगत C32 स्टेजचा वापर केला जाणार आहे. त्यामुळे रॉकेटची पेलोड म्हणजेच उपग्रह वाहून नेण्याची क्षमता मोठ्या प्रमाणात वाढणार आहे.
गगनयान मिशनसाठी का आहे गेम-चेंजर?
CE20 इंजिनची ही यशस्वी चाचणी केवळ जास्त वजन उचलण्यापुरती मर्यादित नाही. या इंजिनने आतापर्यंत तब्बल 20 वेळा हॉट टेस्ट यशस्वीपणे पूर्ण केले आहेत. या चाचण्यांमुळे भारताच्या महत्त्वाकांक्षी Gaganyaan मोहिमेसाठी आवश्यक असलेल्या ‘इग्निशन मार्जिन’ आणि ‘बूट-स्ट्रॅप मोड’सारख्या अत्यंत गुंतागुंतीच्या तंत्रज्ञानांचीही यशस्वी चाचणी घेण्यात आली आहे.
याशिवाय या इंजिनमध्ये वापरण्यात आलेले स्वदेशी टर्बोपंप बेअरिंग्स आणि सेन्सर्स यांनीही उत्कृष्ट कामगिरी सिद्ध केली आहे. त्यामुळे गगनयान मिशन आता अधिक सुरक्षित, शक्तिशाली आणि विश्वासार्ह बनले असल्याचे मानले जात आहे.