हायवेवर अग्नितांडव, गोकर्णला जाणाऱ्या बसला भीषण अपघात, गाढ झोपलेल्या 17 जणांचा कोळसा

या भीषण अपघातात गाढ झोपलेल्या दहा जणांचा जागीच होरपळून मृत्यू झाला. तर अनेक प्रवासी जखमी झाले आहेत. जखमी प्रवाशांना तातडीने हिरियुर आणि चित्रदुर्ग जिल्हा रुग्णालयात उपचारासाठी दाखल करण्यात आलं आहे. पोलिसांच्या माहितीनुसार, हिरियुरहून बेंगळुरूकडे जाणारी लॉरी रस्ता दुभाजक ओलांडून दुसऱ्या लेनमध्ये घुसली आणि बसशी धडकली, ज्यामुळे हा दुर्दैवी अपघात झाला.

advertisement

या अपघातानंतर नऊ जणांनी सुखरुप बसमधून स्वत:ची सुटका केली. मात्र हा सगळा प्रकार इतक्या कमी वेळात घडला की, इतर प्रवाशांना आपला जीव वाचवता आला नाही. यातील काहीजण गाढ झोपेत होते. त्यामुळे त्यांना काही कळेपर्यंत हायवेवर अग्नितांडव झाला. जखमींमधील काहीजण गंभीर जखमी झाले आहेत. त्यामुळे मृतांचा आकडा वाढण्याची शक्यता आहे. हा अपघात पहाटे दोनच्या सुमारास झाला आहे.