भारताचे फायटर जेट सुखोई Su-30MKI रडारावरून गायब, पायलट बेपत्ता; विशेष पथक रात्रीच जंगलात सर्च ऑपरेशन

विमानातील एक फायटर पायलट बेपत्ता असल्याचे सांगितले जात आहे. घटनेचे नेमके कारण शोधण्यासाठी आणि पायलटचा शोध घेण्यासाठी संरक्षण दलाचे शोध पथक घटनास्थळी पाठवण्यात आले आहे.

भारतीय हवाई दलाने सोशल मीडिया प्लॅटफॉर्म X वर दिलेल्या पोस्टमध्ये सांगितले की, या विमानाशी शेवटचा संपर्क सायंकाळी 7.42 वाजता झाला होता. त्यानंतर विमानाशी संपर्क तुटला असून ते नियोजित वेळेत परत न आल्यामुळे ते “ओव्हरड्यू” म्हणून नोंदवण्यात आले आहे.

advertisement

“भारतीय वायुसेनेचे एक Su-30 MKI विमान ओव्हरड्यू झाले आहे. हे विमान आसाममधील जोरहाट येथून उड्डाण केले होते आणि सायंकाळी 7.42 वाजता शेवटचा संपर्क झाला. पुढील तपशील मिळवण्याचे काम सुरू असून शोध आणि बचाव मोहीम सुरू करण्यात आली आहे,” असे हवाई दलाने X वरील पोस्टमध्ये म्हटले आहे.