TRENDING:
कोण आहेत वैभव कोकाट? ज्यांनी पूजा खेडकर प्रकरण उघडकीस आणलं
डॉक्टर मनोज सोनी हे 2017 मध्ये केंद्रीय लोकसेवा आयोगाचे सदस्य झाले. तर, 2023 मध्ये त्यांनी केंद्रीय लोकसेवा आयोगाच्या अध्यक्षपदाची जबाबदारी स्वीकारली होती. मनोज सोनी यांनी त्यांचा राजीनामा (UPSC Chairperson Manoj Soni Resigns) महिन्याभरापूर्वीच राष्ट्रपतींकडे दिला असल्याची माहिती सूत्रांनी दिली आहे. मनोज सोनी यांचा राजीनामा स्वीकारला की नाही याबाबत अद्याप माहिती मिळालेली नाही.
advertisement
गेल्या दोन आठवड्यांपासून युपीएससी परीक्षा आणि आरक्षणासाठीच्या प्रमाणपत्रांमुळे महाराष्ट्रासह देशभरात खळबळ उडाली आहे. पूजा खेडकर प्रकरणामुळे युपीएससी प्रक्रियेवर संशय व्यक्त केला जात आहे. त्यातच आता मनोज सोनी यांनी राजीनामा दिल्याचं वृत्त समोर आलंय. यामुळे सोनी यांच्या राजीनाम्याचं या प्रकरणाशी कनेक्शन आहे का असा प्रश्न उपस्थित होतोय. पण वाद निर्माण होण्याआधीच त्यांनी राजीनामा दिल्याची माहिती समजते.