उपवासाला तेच-तेच पदार्थ खाऊन कंटाळा आलाय? साबुदाण्यापासून बनवा पौष्टिक रेसिपी
भारत इलेक्ट्रॉनिक्स लिमिटेड (Bharat Electronics Limited Bharti 2025) भरती प्रक्रियेत एकूण 610 जागा भरल्या जाणार आहेत. यामध्ये दोन ठिकाणी नोकर भरती होणार आहे. TEBG (Trainee Engineer Bengaluru Complex) येथे 488 जागांसाठी नोकर भरती होणार आहे. तर, TEEM (Trainee Engineer – Engineering/Manufacturing) येथे 122 जागांसाठी नोकर भरती केली जाणार आहे. इलेक्ट्रॉनिक्स, मॅकेनिकल, कॉम्प्यूटर सायन्स किंवा इलेक्ट्रिकल इंजिनिअरिंग या शाखेतून 4 वर्षाचा बीई/ बी. टेक/ बीएससी पदवी अभ्यासक्रम पूर्ण केलेला असावा. शिवाय, मान्यता प्राप्त महाविद्यालय किंवा विद्यापीठाची पदवी आणि प्रमाणपत्र आवश्यक आहे.
advertisement
शैक्षणिक पात्रता
- एकूण शैक्षणिक पात्रता 18 ते 28 वर्षापर्यंतची असणार आहे.
- खुला प्रवर्ग आणि ईडब्ल्यूएस उमेदवारांसाठी वयोमर्यादा जास्तीत जास्त वय 28 वर्षांची आहे.
- इतर मागासवर्गातील उमेदवारांना 3 वर्षे वयाची सूट असणार आहे.
- अनुसूचित जाती/ अनुसूचित जमातीतील उमेदवारांसाठी 5 वर्षे वयाची सूट असणार आहे.
- PwBD (40% किंवा त्यापेक्षा जास्त अपंगत्व) असणाऱ्या उमेदवारांना वरील सर्व सूट आणि व्यतिरिक्त 10 वर्षे सूट देखील असणार आहे.
व्हॉट्सअ‍ॅप स्टेटससाठी नवीन प्रायव्हसी फीचर; काय होणार बदल; जाणून घ्या एका क्लिकवर
या पदांसाठी नियुक्ती बेंगळुरू आणि भारतातील वेगवेगळ्या शाखांमध्ये केली जाणार आहे. उमेदवारांना सुरूवातीच्या 2 वर्षांसाठी करार करण्यात येणार आहे. त्यानंतर उमेदवाराच्या कामगिरीनुसार त्याचा करार वाढवला जाईल. जर वरिष्ठ तुमच्या कामावर आनंदित असतील तर त्यांच्याकडून तुमचा करार आणखी 1 वर्षासाठी वाढवला जाऊ शकतो. पहिल्या वर्षी 30, 000 रू. पगार, दुसऱ्या वर्षी 35,000 रू. पगार आणि तिसऱ्या वर्षी 40, 000 रू. इतका पगार तुम्हाला मिळणार आहे. निवड प्रक्रियेत लिखित परीक्षेसोबतच वॉक-इन मुलाखतीचाही समावेश आहे. या मुलाखतींचे आयोजन 25 आणि 26 ऑक्टोबर 2025 रोजी बेंगळुरूमध्ये केले जाणार आहे. त्यामुळे इच्छुक उमेदवारांनी अर्ज करताना नोकरी कोड योग्य प्रकारे भरावा.
कामाची बातमी! ग्राहक आता सोप्या पद्धतीने बदलू शकतील गॅस कंपनी;जाणून घ्या सविस्तर
अर्ज प्रक्रिया पूर्णपणे ऑनलाईन आहे. उमेदवारांनी https://jobapply.in/BEL2025BNGComplex/ या लिंकवर जाऊन अर्ज करावा. नवीन उमेदवारांनी सर्वप्रथम लॉगिन तयार करून अर्ज फॉर्म भरावा. आवश्यक कागदपत्रे, फोटो आणि स्वाक्षरी अपलोड करावी. लागू असल्यास सामान्य/ईडब्ल्यूएस/ओबीसी प्रवर्गातील उमेदवारांना 177 रू. इतका अर्ज शुल्क भरावा लागणार आहे. अनुसूचित जाती- जमाती, अपंग आणि इतर आरक्षित उमेदवारांना शुल्कातून सवलत दिली आहे. अधिक माहितीसाठी उमेदवारांनी BEL च्या अधिकृत वेबसाइट bel-india.in ला भेट द्यावी.