दसऱ्याला 150000 रुपयांवर जाणार चांदी, सोन्याच्या दरांची काय स्थिती; कमी झाले की स्वस्त?

भारतात पारंपरिकरित्या नवरात्रीत सोने खरेदी करणे शुभ मानले जाते. त्यामुळे सणाच्या दिवसांची चाहूल लागल्याने देशभरात सोन्याच्या खरेदीत मोठी वाढ होत आहे. दिल्ली, लखनऊ, जयपूर, नोएडा, गाझियाबाद यांसारख्या शहरांमध्ये 10 ग्रॅम 24 कॅरेट सोन्याचा दर सध्या 1,15,000 रुपयांच्या आसपास व्यवहारात आहे.

या वाढीमागे फक्त देशांतर्गत मागणी नाही तर जागतिक आर्थिक परिस्थिती, डॉलरच्या मूल्यातील चढउतार आणि सुरक्षित गुंतवणुकीच्या शोधामुळे सोन्या-चांदीच्या दरात मोठी वाढ झाली आहे. तज्ज्ञांच्या मते, चांदीच्या किमतींमध्ये वाढीचा कल पुढील काही दिवस कायम राहू शकतो, तर सोन्यात किरकोळ चढ-उतार दिसून येण्याची शक्यता आहे.

24 कॅरेट सोन्याचे दर 1, 19,145 रुपये प्रति 10 ग्रॅम

तज्ज्ञांच्या म्हणण्यानुसार सध्याच्या वाढत्या ट्रेंडनंतरही सोने हे दीर्घकालीन सुरक्षित गुंतवणुकीचे माध्यम राहील. चांदीत मात्र वाढीचा कल आणखी काही काळ टिकून राहू शकतो. त्यामुळे सणासुदीच्या हंगामात गुंतवणुकीचा विचार करणाऱ्यांसाठी हे दिवस निर्णायक ठरू शकतात. नवरात्रीच्या पार्श्वभूमीवर सोन्या-चांदीच्या किमतींनी पुन्हा एकदा गगनाला भिडण्याची शक्यता आहे. आंतरराष्ट्रीय बाजारातील बदल आणि देशातील वाढती मागणी यामुळे हा कल पुढील काही दिवस कायम राहण्याची शक्यता आहे. सोन्याचे दर वर्षाअखेरीस 1 लाख 30 हजारपर्यंत जाऊ शकतात. तर चांदीचे दर दसऱ्यापर्यंत 1 लाख 50 हजार रुपयांच्या आसपास जाण्याची शक्यता आहे.