पाऊस आला अन् सगळं काही घेऊन गेला, पूरग्रस्त शेतकऱ्यांपुढे नवीन आव्हानं काय?

मुंबई : यंदा मराठवाडा आणि राज्यातील विविध भागांमध्ये झालेल्या अतिवृष्टी आणि महापुरामुळे शेतीचे मोठे नुकसान झाले आहे. शेतशिवारं खरडून निघाली असून, सुपीक जमिनीवरील पोषक थर वाहून गेला आहे. परिणामी अनेक ठिकाणी शेतजमिनी नदी-नाल्यांसारख्या दिसू लागल्या आहेत. तज्ज्ञांच्या मते, पुन्हा एकदा सुपीकता निर्माण होण्यासाठी किमान तीन वर्षांचा कालावधी लागणार आहे, तोपर्यंत शेतकऱ्यांना उत्पादनात घट आणि खर्चवाढ या दुहेरी संकटांचा सामना करावा लागेल.