पुणे आणि आजू बाजूच्या परिसरात आकाश ढगाळ राहणार आहे. तर अधून मधून पावसाची शक्यता आहे. पुण्यातील घाट विभागात काही तुरळक ठिकाणी हलका ते मध्यम स्वरूपाच्या पावसाची शक्यता आहे. आज पुण्यात 25 अंश सेल्सिअस कमाल तर 20 अंश सेल्सिअस किमान तापमान असेल.
advertisement
सातारा जिल्ह्यातील अनेक भागात आज पावसाची शक्यता वर्तवण्यात आली आहे. पश्चिमेकडील पाटण, महाबळेश्वर, जावळी, सातारा, कऱ्हाड, वाई तालुक्यांत अनेक ठिकाणी जोरदार पाऊस होण्याची शक्यता आहे. साताऱ्यात आज 28 अंश सेल्सिअस कमाल तर 23 अंश सेल्सिअस किमान तापमान असेल.
सांगली जिल्ह्यात पावसाची उघडझाप सुरू असून अधूनमधून मोठ्या सरी येत आहेत. मात्र पावसाचा जोर वाढण्याची शक्यता आहे. सांगली जिल्ह्यात आज 27 अंश सेल्सिअस कमाल तर 20अंश सेल्सिअस किमान तापमान असेल.
कोल्हापूर जिल्ह्याच्या अनेक भागात आज सायंकाळी पाऊस हजेरी लावणार आहे. तर काही भागात वादळी वारा, विजेच्या कडकडाटासह पावसाची शक्यता आहे. कोल्हापूरमध्ये आज 26 अंश सेल्सिअस कमाल तर 22 अंश सेल्सिअस किमान तापमान असेल.
सोलापूर शहर आणि जिल्ह्यात आज पाऊस चांगला होईल. करमाळा, पंढरपूर, मोहोळ, माढा, सांगोला आदी तालुक्यांमध्ये पावसाचा जोर आज वाढेल, अशी शक्यता हवामान विभागाने वर्तवली आहे. सोलापूरमध्ये आज 25 अंश सेल्सिअस कमाल तर 20 अंश सेल्सिअस किमान तापमान असेल.