अदाणी ग्रुपचा थकबाकीमुळे पुरवठा कमी : शुक्रवारी 'डेली स्टार' या वृत्तपत्राने प्रकाशित केलेल्या अहवालानुसार, पॉवर ग्रिड बांगलादेश पीएलसीच्या आकडेवारीत गुरुवारी रात्री अदाणी ग्रुपच्या वीज प्रकल्पाने पुरवठा कमी केल्याचे दिसून आले. माध्यमांच्या अहवालानुसार, गुरुवार ते शुक्रवारच्या रात्री बांगलादेशला 1600 मेगावॅटपेक्षा जास्त वीजटंचाईचा सामना करावा लागला. अदाणी पॉवरच्या 1496 मेगावॅट क्षमतेच्या प्रकल्पातून केवळ 700 मेगावॅट वीज एका युनिटमधून निर्मित होत आहे.
advertisement
थकबाकी भरावी, अन्यथा वीज पुरवठा थांबवू : अदाणी पॉवरने यापूर्वी बांगलादेशच्या ऊर्जा सचिवांना पत्र लिहून बांगलादेश इलेक्ट्रिसिटी डेव्हलपमेंट बोर्डला (PDB) थकबाकी 30 ऑक्टोबरपर्यंत भरण्याची विनंती केली होती. 27 ऑक्टोबरला लिहिलेल्या पत्रात अदाणी ग्रुप कंपनीने नमूद केले होते की, थकबाकी न भरल्यास 31 ऑक्टोबरपासून वीज पुरवठा थांबवून उपाययोजना कराव्या लागतील.
कंपनीने सांगितले की, PDB ने ना बांगलादेश कृषी बँकेकडून 170 कोटी डाॅलर कर्ज घेतले, पण थकबाकी भरली नाही. PDB अधिकाऱ्याच्या म्हणण्यानुसार, मागील थकबाकीचा काही भाग भरला गेला, पण जुलैपासून APJL ने पूर्वीपेक्षा जास्त शुल्क लावले आहे. सध्या PDB आठवड्यातून 18 कोटी डाॅलर देत आहे, मात्र शुल्क 22 कोटी डाॅलरपेक्षा जास्त आहे, त्यामुळे थकबाकी वाढत आहे.