बाळासाहेबांच्या हातांचे ठसे घेतले का?
रामदास कदम यांची नार्को टेस्ट करा. 1993 साली ज्योती रामदास कदम जाळून घेण्याचा प्रयत्न केला की त्यांना जाळण्यात आलं? याची देखील नार्को टेस्ट करा, अशी आमची मागणी आहे, असं अनिल परब म्हणाले. बाळासाहेबांच्या हातांचे ठसे घेतले का? असा आरोप केला जातोय, पण हे 100 टक्के खोटं आहे. बाळासाहेबांना भेटायला असंख्य लोकांची गर्दी होती. कुठलीही बॉडी दोन दिवस शवपेढीशिवाय ठेवता येते का? रामदास कदम यांची अक्कल गुडघ्यात आहे, अशी टीका देखील अनिल परब यांनी केली आहे.
advertisement
सहारा स्टेडियममध्ये बाळासाहेबांचे मोल्ड
डॉक्टर चुकीचं करतील का? रामदास कदम यांचे आरोप खोटे आहेत. बाळासाहेब यांनी स्वत:चे मोल्ड बनवले होते. अंधेरीच्या सहारा स्टेडियममध्ये त्यांनी मोल्ड ठेवले होते. रामदास कदमचं शिक्षण कमी होते. बाळासाहेब गेल्यानंतर असे कोणते ठसे घेतले? त्याचा काय फायदा होतो? असा सवाल अनिल परब यांनी विचारला. बाळासाहेबांचं मृत्यूपत्र माझ्याकडं आहे. त्यांची संपत्ती काय होती, मला माहिती आहे, असं अनिल परब म्हणाले.
दरम्यान, रामदास कदम हे शिळ्या कढीला ऊत आणण्यासारखे आहे. हे भिकेचा कठोरा घेवून फिरत होते. माझी आई वारली तेव्हा मी यांच्या निवडणुकीची सुत्रे हाती घेतली होती. इतके दसरे झाले पण आता विषय का…पालिका निवडणूक आहे. इतर विषयांपासून लोकांचे लक्ष वेधायचंय. मृत्यूपत्राला जयदेव ठाकरेंनी आव्हान दिले होते. चार पाच वर्षे कोर्टात केस चालवली पण काही झाले नाही. ज्यांना शंका आहे त्यांनी कोर्टात जावं, असंही अनिल परब म्हणाले.