बलांडे ब्रदर्सचा स्ट्रॉबेरी लागवडीचा प्रयोग यशस्वी, 3 महिन्यांत 10 गुंठ्यातून लाखोंची कमाई 

समाधान बलांडे व गणेश बलांडे या दोन भावांनी प्रत्येकी पाच गुंठे अशी दोघांनी मिळून दहा गुंठे क्षेत्रावर ही लागवड केली आहे. केवळ तीन महिन्यांतच या पिकातून सुमारे दोन लाख रुपयांचे उत्पन्न त्यांना मिळाले आहे. येत्या काळात उत्पन्नात आणखी 2 लाखांची वाढ होईल, असा विश्वास बलांडे यांनी लोकल 18 सोबत बोलताना व्यक्त केला आहे.

वेंटर डाऊन ही 35 डिग्री तापमान सहन करू शकते त्यामुळे या वाणाची निवड केली असल्याचे देखील गणेश बलांडे यांनी म्हटले आहे.

तालुक्यात स्ट्रॉबेरीची लागवड नसल्याने ताजी स्ट्रॉबेरी खरेदीसाठी जिल्ह्यातून ग्राहक फोनवर ऑर्डर देत आहेत. स्थानिक पातळीवरच फळ विकलं जात असल्याने त्यांचा वाहतूक खर्च वाचत आगामी काळात 1 एकरवर स्ट्रॉबेरीचे उत्पादन घेण्याचा दोन्ही शेतकऱ्यांचा मानस आहे.

ठिबक सिंचन आणि सेंद्रिय खतांचा वापर करून पाने सुकून काळे पडणे आणि पिवळेपणा येणे असे ताता येणे शक्य होणार असल्याचे देखील समाधान बलांडे यांनी म्हटले आहे.

रोज सकाळी 6 ते 7 वाजेच्या दरम्यान स्ट्रॉबेरी तोडून अर्धा किलो व एक किलोचे बॉक्स तयार केले जातात. हे बॉक्स 400 रुपये दराने विकले जात आहेत. स्ट्रॉबेरीची लागवड केल्यानंतर फार काळ देखभाल करावी लागत नाही. पिकाला सिंचन, खतांची योग्य मात्रा द्यावी लागते.