आजपासून उलटी गिनती सुरू! 7 वाजून 13 मिनिटांनी चक्र फिरणार, 3 राशींवर 41 दिवस संकटांचं सावट

आज म्हणजेच 13 मार्च 2026 रोजी संध्याकाळी 7 वाजून 13 मिनिटांनी न्यायदेवता शनी देव मीन राशीत अस्त होणार आहेत. शनीची ही अस्तावस्था 22 एप्रिल 2026 पर्यंत, म्हणजेच सुमारे 41 दिवस राहणार आहे. ज्योतिषशास्त्रात शनीचा अस्त होणे ही एक अत्यंत महत्त्वाची घटना मानली जाते, कारण या काळात शनीची शक्ती कमी होते.

कर्क - नशिबाची साथ कमी पडेल: कर्क राशीच्या नवव्या भावात शनी अस्त होत आहे. यामुळे तुमच्या नशिबाची साथ काहीशी कमी होईल. कष्टाच्या तुलनेत फळ मिळण्यास विलंब होईल. वडिलांच्या आरोग्याची चिंता सतावू शकते आणि धार्मिक कार्यांत अडथळे येऊ शकतात. या 41 दिवसांत कोणतेही नवीन आणि मोठे धाडस करू नका.

कन्या - भागीदारी आणि नात्यात तणाव: कन्या राशीच्या सातव्या भावात शनीचा अस्त होत आहे. हा काळ तुमच्या वैवाहिक आयुष्यात आणि व्यावसायिक भागीदारीत तणाव निर्माण करू शकतो. जोडीदाराशी असलेले मतभेद वाढू नयेत यासाठी शब्दांवर नियंत्रण ठेवा. नवीन व्यावसायिक करार करताना कागदपत्रांची नीट पडताळणी करा, अन्यथा फसवणूक होऊ शकते.

मकर - करिअरमध्ये आव्हाने: मकर राशीचा स्वामी शनी स्वतः अस्तावस्थेत जात असल्याने तुम्हाला शारीरिक आणि मानसिक थकवा जाणवू शकतो. कामाच्या ठिकाणी वरिष्ठांशी विनाकारण वाद होऊ शकतात. साडेसातीचा प्रभाव असल्याने तुम्हाला तुमच्या निर्णयांवर पुनर्विचार करावा लागेल. आत्मविश्वासाची कमतरता भासू शकते, परंतु संयम राखणे हिताचे ठरेल.

आर्थिक नियोजनात शिस्त पाळा: या तिन्ही राशींसाठी हा काळ आर्थिक दृष्टीने संमिश्र आहे. अचानक उद्भवणाऱ्या खर्चामुळे तुमचे बजेट कोलमडू शकते. या 41 दिवसांत कोणालाही मोठी रक्कम उधार देऊ नका किंवा जामीन राहू नका. गुंतवणूक करताना 'शॉर्टकट'चा विचार करणे महागात पडू शकते.

आरोग्याकडे दुर्लक्ष नको: शनीच्या अस्तामुळे हाडांचे विकार, सांधेदुखी किंवा पोटाच्या तक्रारी वाढू शकतात. नियमित व्यायाम आणि सकस आहार घेणे तुमच्यासाठी अनिवार्य आहे. मानसिक शांततेसाठी ध्यान किंवा प्राणायाम करणे फायदेशीर ठरेल, ज्यामुळे या अग्निपरीक्षेच्या काळात तुम्हाला आंतरिक शक्ती मिळेल.

गुंतागुंतीचे निर्णय पुढे ढकला: ज्योतिषशास्त्रीय दृष्टिकोनातून ग्रहांची शक्ती कमी असताना घेतलेले मोठे निर्णय अनेकदा अपेक्षित फळ देत नाहीत. घर खरेदी, नवीन व्यवसाय सुरू करणे किंवा नोकरी सोडणे यांसारखे महत्त्वाचे निर्णय 22 एप्रिलपर्यंत पुढे ढकलणे योग्य ठरेल. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)