Ganesh Chaturthi 2025 Ganesha Idol: घरी गणेश मूर्ती खरेदी करताना कोणत्या गोष्टींची काळजी घ्यावी? या गोष्टी बारकाईनं पाहा

बसलेली मूर्ती: घरात पूजेसाठी बसलेल्या म्हणजे ललितासन गणपतीची मूर्ती घेणे अधिक शुभ मानले जाते. अशी मूर्ती घरात शांतता आणि स्थायित्व दर्शवते, ज्यामुळे घरात सुख-समृद्धी टिकून राहते.

गणपतीची सोंड उजव्या बाजूला वळलेली असल्यास ती मूर्ती अधिक कठोर आणि शिस्तबद्ध मानली जाते. अशा मूर्तीची पूजा करताना कठोर नियम आणि पद्धतींचे पालन करणे आवश्यक असते. त्यामुळे घरात पूजेसाठी शक्यतो डाव्या सोंडेची मूर्ती घ्यावी. डाव्या सोंडेचा गणपती सौम्य आणि प्रसन्न मानला जातो.

मूर्तीचे रंग आणि आकार - पांढऱ्या रंगाची मूर्ती शांतता आणि समृद्धी दर्शवते. शेंदूर (लाल-केशरी) रंगाची मूर्ती सकारात्मकता आणि आत्म-विकासासाठी चांगली मानली जाते. काळ्या किंवा गडद निळ्या रंगाची मूर्ती घेणे टाळावे. मूर्तीचा आकार खूप मोठा नसावा. तो आपल्या घराच्या आणि पूजास्थानाच्या प्रमाणात असावा. यामुळे घरात सकारात्मक ऊर्जा संतुलित राहते.

मूर्तीमध्ये असलेल्या वस्तू - गणपतीच्या हातात मोदक आणि त्यांच्या पायाशी उंदीर (मूषक) असणे आवश्यक आहे. मोदक हे ज्ञानाचे आणि गोड फळांचे प्रतीक आहे, तर उंदीर हे इच्छा आणि अहंकारावर नियंत्रण ठेवण्याचे प्रतीक आहे. मूर्तीला डोक्यावर मुकुट आणि जानवे असावे. हे गणपतीच्या पूर्ण रूपाचे प्रतीक आहे.

मूर्तीसाठी वापरले जाणारे साहित्य - शक्य असल्यास शाडूची माती किंवा पर्यावरणाला अनुकूल मूर्ती खरेदी करावी. अशा मूर्तींचे विसर्जन सोपे आणि पर्यावरणासाठी चांगले असते. तुम्ही धातूची मूर्ती (पितळ, चांदी, लाकूड) घेणार असाल, तर ती घरामध्ये कायमस्वरूपी ठेवता येते. प्रत्येक धातूचे स्वतःचे फायदे आहेत. उदाहरणार्थ, पितळेची मूर्ती समृद्धी आणते तर लाकडी मूर्ती आरोग्य आणि दीर्घायुष्य देते, अशी धार्मिक श्रद्धा आहे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)