Chandra Gochar: सोमवारी होणारे चंद्रगोचर अशुभ! 3 राशींच्या करिअर आणि आर्थिक गोष्टींमध्ये खळबळ उडणार

मेष - मेष राशीच्या लोकांसाठी चंद्राचं हे गोचर 8 व्या स्थानात होणार आहे. ज्योतिषशास्त्रात हे स्थान गुप्त संकटे आणि अनिश्चिततेचं मानलं जातं. या काळात तुमची अगदी शेवटच्या टप्प्यात आलेली कामं अचानक अडकू शकतात किंवा बिघडू शकतात. मानसिक अस्वस्थता वाढल्यामुळे कामात लक्ष लागणार नाही. कोणाशीही व्यवहार करताना किंवा नवीन मैत्री करताना विचार करा, कारण चुकीच्या लोकांच्या संगतीमुळे तुमचं आर्थिक नुकसान आणि वेळेचा अपव्यय होऊ शकतो.

मेष - शेअर मार्केट किंवा कोणत्याही जोखमीच्या ठिकाणी गुंतवणूक करणं सध्या टाळा. प्रवासात असताना मोबाईल, दागिने किंवा महत्त्वाच्या कागदपत्रांची विशेष काळजी घ्या. मनाच्या शांतीसाठी भगवान शिवाची पूजा करा आणि ओम नमः शिवाय मंत्राचा जप करा.

मिथुन - मिथुन राशीच्या लोकांसाठी चंद्र तुमच्या 6 व्या स्थानात प्रवेश करणार आहे. हे स्थान रोग, ऋण आणि शत्रूंचे मानले जाते. या काळात तुमचे गुप्त शत्रू किंवा विरोधक तुमच्या विरुद्ध कारस्थानं करू शकतात. ऑफिसमध्ये किंवा कामाच्या ठिकाणी सहकाऱ्यांशी विनाकारण मतभेद किंवा नोकझोक होण्याची शक्यता आहे. तुमची इमेज टिकवून ठेवण्यासाठी प्रत्येकाशी नम्रतेने आणि संयमाने वागा.

मिथुन - मिथुन राशीच्या लोकांसाठी चंद्र तुमच्या 6 व्या स्थानात प्रवेश करणार आहे. हे स्थान रोग, ऋण आणि शत्रूंचे मानले जाते. या काळात तुमचे गुप्त शत्रू किंवा विरोधक तुमच्या विरुद्ध कारस्थानं करू शकतात. ऑफिसमध्ये किंवा कामाच्या ठिकाणी सहकाऱ्यांशी विनाकारण मतभेद किंवा नोकझोक होण्याची शक्यता आहे. तुमची इमेज टिकवून ठेवण्यासाठी प्रत्येकाशी नम्रतेने आणि संयमाने वागा.

मिथुन - कोणालाही उसने पैसे देऊ नका किंवा कर्ज घेऊ नका, कारण या काळात केलेले व्यवहार पुढे जाऊन डोकेदुखी ठरू शकतात. राजकारणात असलेल्या लोकांनी सार्वजनिक व्यासपीठावर बोलताना शब्दांची निवड लय जपून करावी, कारण तुमच्या विधानाचा चुकीचा अर्थ लावला जाऊ शकतो.

धनु - धनु राशीच्या लोकांसाठी चंद्र तुमच्या 12 व्या स्थानात गोचर करणार आहे, ज्याला हानी आणि खर्चाचे स्थान मानले जाते. या काळात तुम्हाला मानसिक तणाव आणि भीती जाणवू शकते. कामात आळस वाढल्यामुळे महत्त्वाच्या संधी हातातून निसटू शकतात. खर्चावर नियंत्रण न राहिल्यामुळे आर्थिक ओढाताण होण्याची शक्यता आहे.

धनु - आरोग्याकडे दुर्लक्ष करू नका. पुरेशी झोप घ्या आणि कामाचा ताण कमी करण्यासाठी योग-ध्यानाची मदत घ्या. नात्यांमध्ये सुद्धा दुरावा येण्याची शक्यता आहे; विशेषतः ज्यांच्यावर तुम्ही खूप विश्वास ठेवता, अशा व्यक्तीकडून फसवणूक होऊ शकते. त्यामुळे कोणताही मोठा निर्णय घेताना दुसऱ्यावर विसंबून न राहता स्वतः खात्री करून घ्या. शिवलिंगावर दररोज स्वच्छ पाणी आणि बेलपत्र अर्पण करा, यामुळे संकटांची तीव्रता कमी होईल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)