TRENDING:Kitchen Vastu Tips: रोज किचनमध्ये लागणाऱ्या या 2 गोष्टी जवळ-जवळ ठेवण्याची चूक टाळा; अडचणींचे मूळ
- Published by:Ramesh Patil
Last Updated:
Vastu Tips Marathi: वास्तुशास्त्रात घरातील किचनला विशेष महत्त्व आहे. किचन म्हणजे घराच्या ऊर्जेचे केंद्र मानले जाते. येथील प्रत्येक गोष्टीचा परिणाम घराच्या वातावरणावर आणि तिथे राहणाऱ्या लोकांवर होतो. अनेक स्त्रिया रोजच्या सोयीसाठी स्वयंपाकघरातील सर्व मसाले एकाच ठिकाणी किंवा एकाच मसाल्याच्या डब्यात ठेवतात. मीठ आणि हळद यांचा वापर रोज होत असल्याने ते अनेकदा सोबतच ठेवले जातात. पण ज्योतिष आणि वास्तुशास्त्राशी संबंधित मान्यतेनुसार, किचनमध्ये काही गोष्टी एकत्र ठेवणे योग्य मानले जात नाही. विशेषतः मीठ आणि हळद एकाच ठिकाणी ठेवल्याने घरात नकारात्मक परिणाम वाढू शकतात.
advertisement
1/6
मीठ आणि हळद हे दोन्ही किचनमधील महत्त्वाचे मसाले आहेत, पण त्यांचे परिणाम वेगवेगळे मानले जातात. मीठ हे चव आणि ऊर्जेशी संबंधित आहे, तर हळद शुभता आणि पूजेशी संबंधित आहे. या दोन्ही गोष्टी एकत्र ठेवल्या जातात, तेव्हा त्यांची ऊर्जा एकमेकांशी टक्करते, ज्यामुळे घराच्या वातावरणावर परिणाम होऊ शकतो.
advertisement
2/6
मिठाचा ग्रहांशी असलेला संबंध - ज्योतिष शास्त्रानुसार मिठाचा संबंध चंद्र आणि शुक्र ग्रहाशी मानला जातो. त्यामुळे मिठाचा परिणाम मन आणि भावनांवर होतो. जर मीठ योग्य ठिकाणी ठेवले नाही, तर व्यक्तीच्या स्वभावात चिडचिडेपणा आणि अस्थिरता वाढू शकते. म्हणून मीठ नेहमी स्वतंत्र आणि स्वच्छ भांड्यात ठेवणे चांगले मानले जाते.
advertisement
3/6
हळद का विशेष मानली जाते - हळद केवळ मसाला नसून ती शुभतेचे प्रतीक आहे. पूजापाठात हळदीचा वापर केला जातो आणि तिचा संबंध गणपतीशी जोडला जातो. जिथे हळद असते, तिथे सकारात्मक वातावरण राहते. म्हणून हळदीला आदराने वेगळ्या ठिकाणी ठेवणे आवश्यक मानले जाते.
advertisement
4/6
किचनमध्ये दोन्ही एकत्र ठेवल्याने काय होते - किचनमध्ये मीठ आणि हळद एकाच डब्यात किंवा एकाच कप्प्यात ठेवल्याने घरात वाद आणि तणाव वाढू शकतो. काही लोकांना विनाकारण अस्वस्थ वाटू लागते. कामात मन न लागणे आणि निर्णय घेताना गोंधळ होणे, या गोष्टी सुद्धा होत राहतात.
advertisement
5/6
मीठ ठेवण्याची योग्य पद्धत - मीठ नेहमी काचेच्या बरणीत ठेवणे उत्तम मानले जाते. तुम्हाला हवे असल्यास मिठाच्या बरणीत 2 किंवा 4 लवंगा टाकू शकता. असे केल्याने घरातील नकारात्मक ऊर्जा कमी होते अशी मान्यता आहे. मीठ जमिनीवर पडणार नाही आणि ते उघड्यावर राहणार नाही याची काळजी घ्यावी.
advertisement
6/6
हळद ठेवण्याची योग्य जागा - हळद किचनमध्ये स्वतंत्र डब्यात ठेवा आणि मिठापासून अंतर राखा. याशिवाय हळकुंडाची एक गाठ लाल कपड्यात बांधून पैसे ठेवण्याच्या ठिकाणी ठेवली जाऊ शकते. यामुळे पैशांशी संबंधित अडचणी कमी होतात आणि घरात बरकत राहते.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
मराठी बातम्या/फोटोगॅलरी/राशीभविष्य/
Kitchen Vastu Tips: रोज किचनमध्ये लागणाऱ्या या 2 गोष्टी जवळ-जवळ ठेवण्याची चूक टाळा; अडचणींचे मूळ