17 मार्चला मार्केटमध्ये एंट्री मारणार ही पॉवरफूल SUV! हायब्रिड इंजिनसह, सनरुफही मिळेल

रेनॉल्ट इंडियाने 26 जानेवारी 2026 रोजी त्यांची सर्वात लोकप्रिय एसयूव्ही, रेनॉल्ट डस्टर, भारतीय ऑटो मार्केटमध्ये एका नवीन अवतारात सादर केली. कंपनी आता ती 17 मार्च रोजी लाँच करत आहे आणि त्याच दिवशी किंमत जाहीर केली जाईल. फक्त 21 हजार रुपयांमध्ये प्री-बुकिंग सुरू झाली आहे. क्रेटा आणि सेल्टोस सारख्या एसयूव्हीशी स्पर्धा करण्यासाठी डिझाइन केलेल्या डस्टरला नवीन इंजिन ऑप्शन देखील मिळतात.

कंपनी याला एकूण तीन ऑप्शनमध्ये सादर करतेय. ते म्हणजे 1.0L टर्बो (100 PS), 1.3L टर्बो (163 PS/280 Nm) आणि 1.8L स्ट्रॉन्ग हायब्रिड (160 hp कॉम्बाइंड) 212 mm ग्राउंड क्लियरेंस, बोल्ड डिझाइन, पॅनोरमिक सनरुफ, ड्यूअल स्क्रिन, व्हेंटिलेटेड सीट्स आणि लेव्हल 2 ADAS सह ती खुप अडव्हान्स केली आहे. याच्या पेट्रोल व्हेरिएंटची डिलिव्हरी एप्रिलपासून सुरु होईल. चला डिझाइन, फीचर्स, सेफ्टी इंजिन आणि मायलेज डिटेल्सवर एक नजर टाकूया.

डिझाइन डिटेल्स : नवीन रेनॉल्ट डस्टरमध्ये एक ठळक आणि मस्क्युलर डिझाइन आहे. ते तिसऱ्या जनरेशनच्या जागतिक मॉडेलवर आधारित आहे परंतु भारतासाठी विशिष्ट बदल आहेत. पुढच्या भागात नवीन सिग्नेचर ग्रिल, डस्टर बॅजिंग, फुल-एलईडी हेडलॅम्प आणि आयब्रो-आकाराचे एलईडी डीआरएल आहेत जे टर्न इंडिकेटर म्हणून काम करतात. पुढच्या बंपरमध्ये सिल्व्हर सराउंड आणि पिक्सेल-स्टाईल फॉग लॅम्प आहेत.

साइड प्रोफाइलमध्ये ब्लॅक व्हील आर्च क्लॅडिंग, सी-पिलरवरील मागील दरवाजाचे हँडल, फंक्शनल रूफ रेल (50 किलो लोड क्षमता) आणि 18-इंच अॅडव्हेंचर ब्लॅक अलॉय व्हील्स आहेत. मागील भागात कनेक्टेड एलईडी लाईट बार, त्रिकोणी टेललॅम्प, स्पॉयलर आणि सिल्व्हर इन्सर्टसह ब्लॅक बंपर आहे.

इंटीरियर आणि फीचर्स : याच्या फायटर जेट इंस्पायर्ड डॅशबोर्डमध्ये सॉफ्ट-टच मटेरियल, सिल्व्हर एक्सेंट्स आणि कंट्रास्ट येलो/ग्रीन स्टिचिंग आहे. ड्यूअल स्क्रीन सेटअप 10.1 इंच टचस्क्रिन इंफोटेनमेंट (वायरलेस अँड्रॉइड ऑटो, अॅपल कारप्ले) आणि 10.25 इंच डिजिटल इंस्ट्रूमेंट क्लस्टर, पॅनोरमिक सनरूफ, 6-वे पावर्ड व्हेंटिलेटेड फ्रंट सीट्स, ड्यूअल झोन क्लायमेंट कंट्रोल (PM2.5 फिल्टरसह), 48 कलर एम्बिएंट लायटिंग, वायरलेस फोन चार्जर, पॉवर्ड टेलगेट , इलेव्हेटेड सेंटर कंसोल, स्लायडिंग आर्मरेस्ट आणि माउंटेन जेड लेदरेट अपहोल्स्ट्री सारखे लग्जरी फीचर्स यामध्ये ऑफर केले आहेत.

सेफ्टी फीचर्समध्ये स्टँडर्ड म्हणून सहा एअरबॅग्ज, 360° कॅमेरा (12 अल्ट्रासोनिक सेन्सर्ससह), ABS+EBD, ESC, इलेक्ट्रॉनिक पार्किंग ब्रेक, चारही चाकांवर डिस्क ब्रेक, ISOFIX, TPMS आणि मागील पार्किंग सेन्सर्स यांचा समावेश आहे. उच्च व्हेरिएंट्समध्ये 17 फीचर्ससह लेव्हल 2 ADAS मिळेल. अ‍ॅडॉप्टिव्ह क्रूझ कंट्रोल (थांबा आणि जा), सक्रिय आपत्कालीन ब्रेकिंग, लेन कीप असिस्ट आणि ट्रॅफिक साइन रेकग्निशन देखील सुरक्षितता वाढवते.

इंजिन आणि परफॉर्मेंस : इंजिन आणि परफॉर्मेंसविषयी बोलायचं झाल्यास, तीन ऑप्शन आहेत. बेसमध्ये 1.0 लिटर 3-सिलिंडर टर्बो पेट्रोल (100 PS / 160 Nm), मिड आणि टॉपमध्ये 1.3 लिटर 4-सिलिंडर टर्बो (163 PS / 280 Nm) सर्वात पॉवरफूल इंजिन आहे. हे ओपन रोडवर कॉन्फिडेंट परफॉर्मेंस आणि स्मूथ एक्सीलरेशन देते.

टॉपमध्ये 1.8 लिटर स्ट्राँग हायब्रिड ई-टेकइंजिन असेल. उत्कृष्ट इंधन कार्यक्षमता आणि सायलेंट परफॉर्मेंससह, ते 80 टक्के शहरी ड्रायव्हिंगसाठी ईव्ही मोडमध्ये ऑपरेट करू शकते. एकंदरीत, नवीन डस्टर ही पॉवर, फीचर्स आणि व्हॅल्यू यांचे परफेक्ट कॉम्बिनेशन आहे.