MINI: फॉर्च्युनरपेक्षा दमदार आणि सुपरफास्ट, भारतात लाँच झाली MINI ची पॉवरफुल SUV

भारतात टेस्लाने पाऊल टाकल्यानंतर आता आंतरराष्ट्रीय कार उत्पादक कंपन्यांची भाऊगर्दी झाली आहे.  एकापाठोपाठ एक दमदार आणि पॉवरफुल कार आणि एसयूव्ही लाँच करण्याचा धडाका लावला आहे. अशातच आता  मिनी कंट्रीमँन JCW (MINI Countryman JCW) अखेरीस भारतात लॉन्च झाली आहे. ही एसयूव्ही  पावर्ड व्हर्जन CBU (Completely Built Up) द्वारे भारतात आली आहे. मागील वर्षी लॉन्च झालेल्या कंट्रीमँन इलेक्ट्रिक (Countryman Electric) सोबत या एसयूव्हीची विक्री केली जाईल. नव्याने लॉन्च झालेल्या MINI Countryman JCW साठी बुकिंग 22 सप्टेंबर 2025 पासून सुरू झाली आहे.

MINI Countryman JCW  मध्ये 2.0L, 4-सिलिंडर टर्बोचार्ज्ड पेट्रोल इंजिन आहे, जे 7-स्पीड ड्युअल-क्लच ऑटोमॅटिक गियरबॉक्ससह येतंय. हा सेटअप 300bhp पॉवर आणि 400Nm टॉर्क जनरेट करतो.

यामध्ये AWD (All-Wheel Drive) सिस्टीम आहे. कंट्रीमैन JCW ला 0 ते 100kmph चा वेग गाठायला फक्त 5.4 सेकंद लागतात आणि याची टॉप स्पीड 250kmph आहे. हे 15.4kmpl ची फ्यूल एफिशिएंसी ऑफर करते.

MINI Countryman JCW  मध्ये ऑल-ब्लॅक इंटीरियर थीम आहे, ज्यात सीट्स  वर रेड स्टिचिंग आणि रेड एम्बियंट लाइटिंग आहे. लगेच लक्ष वेधून घेणारी गोष्ट म्हणजे 9.4-इंच चा सर्कुलर OLED टचस्क्रीन इन्फोटेनमेंट आहे, या कारमध्ये JCW-स्पेसिफिक ग्राफिक्स आहेत.

यामध्ये अनेक प्रीमियम फीचर्स दिले आहेत. HUD, हरमन कार्डन सराउंड साउंड सिस्टीम, इलेक्ट्रिकली ॲडजस्टेबल फ्रंट सीट्स, पॅनोरमिक ग्लास रूफ, ऑटो पार्क असिस्ट, वायरलेस चार्जर, ऑटोमॅटिक क्लायमेट कंट्रोल, पावर्ड टेलगेट आणि इतर अनेक फिचर्स दिले आहे.

MINI Countryman JCW  चा लूक स्पोर्टी आहे, ज्यात ब्लॅक्ड-आऊट ग्रिल, रिडिझाईन्ड फ्रंट बम्पर, 19-इंच फाइव्ह-स्पोक ॲलॉय व्हील्स , रिअरमध्ये ब्लॅक्ड-आऊट ‘कंट्रीमैन’ लेटरिंग, रूफ स्पॉयलर आणि क्वाड-एग्जॉस्ट (quad-exhaust) आहेत. बंपर्स, रूफ , ब्रेक कॅलिपर्स, ORVMs वर रेड हायलाइट्स आणि C-पिलर आणि रिअर वर JCW बॅजिंग  दिलं आहे जे  स्पोर्टी अपीअरन्सला आणखी वाढवतो.

MINI Countryman JCW मध्ये ३ कलर ऑप्शन्स दिले आहे – मिडनाइट ब्लॅक (Midnight Black), लीजेंड ग्रे (Legend Grey) आणि रेसिंग ग्रीन (Racing Green). ग्राहक रूफ आणि ORVMs वर रेड (Red) किंवा ब्लॅक (Black) हायलाइट्स मधून निवड करू शकतात. मिनी कंट्रीमैन JCW भारताच्या सर्वात प्रीमियम (premium) कार्सपैकी एक बनली आहे. या एसयूव्हीची  किंमत 64.9 लाख (एक्स-शोरूम) इतकी आहे.