BMW ला देते टक्कर, 250km स्पीड,10 एअर बॅग; Pune आणि छ.संभाजीनगरात तयार होते ही सुपर Car

भारतात सध्या एकापेक्षा एक कार उत्पादक कंपन्यांची भाऊगर्दी झाली आहे. मात्र, काही वर्षांपूर्वी स्वस्त आणि दमदार अशा कारने भारतीय ग्राहकांची मनं जिंकणारी  skoda ऑटो इंडियाने आता आणखी एक दमदार अशी कार आणणार आहे.  octavia rs 2025 असं या कारचं नाव आहे. ही कार या सेगमेंटमध्ये सर्वात शक्तीशाली अशीच आहे.

octavia rs 2025  बुकिंग सुरू झाली आहे. ऑक्टाव्हिया आरएस ही आतापर्यंतची सर्वात शक्तिशाली कार ठरली आहे, ज्यामध्ये शार्प स्टाइलिंग, हायटेक टेक्नालॉजी केबिन आणि दणकट सेफ्टी फिचर्स दिले आहे. २.५ लाख बुकिंग रक्कम जमा करून नवीन octavia rs 2025 चं प्री-बुकिंग करू शकतात. विशेष म्हणजे, स्कोडा भारतात फक्त १०० युनिट्स विकणार आहे. या कारचं लाँच १७ ऑक्टोबर रोजी होणार आहे, ज्याची डिलिव्हरी ६ नोव्हेंबरपासून सुरू होईल.

octavia rs 2025 मध्ये 2.0-लिटर टीएसआय टर्बोचार्ज्ड पेट्रोल इंजिन आहे जे 261 बीएचपी (195 किलोवॅट) आणि 370 एनएम टॉर्क निर्माण करते. ७-स्पीड डीएसजी ड्युअल-क्लच ऑटोमॅटिक गिअरबॉक्स आहे, ज्यामुळे पुढच्या चाकांमध्ये पॉवर ट्रान्समिट केली जाते. octavia rs 2025 ही  फक्त ६.४ सेकंदात ०-१०० किमी प्रतितास वेग गाठू शकते.

तर octavia rs 2025 चा टॉप स्पीड  ताशी २५० किमी इतका आहे. इंजिनला सपोर्ट करण्यासाठी, ऑक्टाव्हिया आरएसमध्ये प्रोग्रेसिव्ह स्टीअरिंग, स्पोर्ट्स सस्पेंशन आणि स्पोर्ट्स एक्झॉस्ट आहेत, जे एक दमदार परफॉर्मन्स देतात.

 लांबी किती? octavia rs 2025 मध्ये  ६००-लिटर ट्रंक (१,५५५ लिटरपर्यंत वाढवता येते), ५०-लिटर इंधन टाकी आणि पाच जणांसाठी बसण्याची क्षमता आहे. ऑक्टाव्हिया आरएसची लांबी ४,७०९ मिमी, रुंदी १,८२९ मिमी आणि उंची १,४५७ मिमी आहे, ज्याचा व्हीलबेस २,६७७ मिमी आहे. octavia rs 2025 १९-इंच ड्युअल-टोन एलियास अलॉय व्हील्स, काळा बाह्य इन्सर्ट, स्पोर्ट्स बंपर आणि मागील स्पॉयलरसह त्याचे हेतू स्पष्ट करते. ब्लॅक एक्झॉस्ट टेलपाइप्स आणि स्कोडाचे नवीन ब्लॅक-आउट बॅजिंग त्याच्या कामगिरीच्या डीएनएवर अधिक भर देते.

फिचर्स आणि रंग - octavia rs 2025 ही ५ रंगात उपलब्ध होणार आहे.  यामध्ये मांबा ग्रीन, रेस ब्लू, वेल्वेट रेड, मॅजिक ब्लॅक आणि कँडी व्हाइट. आoctavia rs 2025 मध्ये ड्रायव्हर-केंद्रित, पूर्णपणे काळ्या रंगाची थीम आहे. ज्यामध्ये सुएड अपहोल्स्ट्री, रेड कॉन्ट्रास्ट स्टिचिंग आणि कार्बन-फिनिश डॅशबोर्ड आहे.

अॅल्युमिनियम पेडल्स, पॅडल शिफ्टर्ससह फ्लॅट-बॉटम स्टीयरिंग व्हील आणि अॅम्बियंट लाइटिंग सारख्या आरएस-विशिष्ट घटकांमुळे स्पोर्टी आणि प्रीमियम फील आणखी वाढला आहे. वायरलेस अँड्रॉइड ऑटो आणि अॅपल कारप्लेसह १२.९-इंच इन्फोटेनमेंट टचस्क्रीन. octavia rs 2025 मध्ये खास आहे ग्राफिक्ससह व्हर्च्युअल कॉकपिट डिजिटल क्लस्टर. हेड-अप डिस्प्ले (HUD) तसंच ११ स्पीकर्स आणि सबवूफरसह ६७५W कॅन्टन प्रीमियम साउंड सिस्टम दिली आहे.  वेंटिलेशनसह वायरलेस चार्जिंग आहे. 

10 एअर बॅग - एवढंच नाहीतर या कारमध्ये  ३६०-डिग्री एरिया व्ह्यू कॅमेरा आणि इंटेलिजेंट पार्क असिस्ट दिले आहे. या कारच्या सेफ्टीबद्दल बोलायचं झालं तर,  सुरक्षेसाठी कारमध्ये १० एअरबॅग्ज (फ्रंट सेंटर आणि ड्रायव्हरच्या गुडघ्याच्या एअरबॅग्जसह) दिल्या आहेत. तसंच, ESC, ABS, EBD आणि ASR. फ्रंट असिस्टसह अ‍ॅडॉप्टिव्ह क्रूझ कंट्रोल. लेन असिस्ट आणि ब्लाइंड-स्पॉट डिटेक्शन दिलं आहे. ही कार पुणे आणि छत्रपती संभाजीनगरमध्ये तयार केली जाते.