धर्मेंद्र यांची एक चूक अन् अमिताभ बच्चनच्या करिअरला मिळाला 'बूस्टर डोस'! नाहीतर बसला असता फ्लॉपचा शिक्का 

हा सिनेमा अमिताभ बच्चन यांच्या आयुष्यात आला नसता तर त्यांच्या करिअरला फ्लॉपचा शिक्का मिळाला असता. आणि हे सगळं झालं धर्मेंद्र यांच्या त्या एका चुकीमुळे. त्यांच्या एका चुकीमुळे अमिताभ बच्चन यांचं करिअर झालं. त्यांना इंडस्ट्रीत नाव मिळालं. 

ज्या अभिनेत्याला आपण आज शतकाचा सुपरस्टार म्हणतो तो 1970 च्या दशकाच्या सुरुवातीला एक निश्चित फ्लॉप ठरला होता. मीडिया रिपोर्ट्सनुसार, सलग 12 फ्लॉप झाले होते.  अमिताभ बच्चन मुंबई सोडून अलाहाबादला परत जाण्याच्या तयारीत होते. त्यांनी आपली बॅग भरली होती. पण त्यांचं नशीब बदललं. 

धर्मेंद्र यांच्या एका चुकीमुळे अमिताभ बच्चन यांचं इंडस्ट्रीत कमबॅक झालं आणि ते सुपरस्टार झाले.  1969 मध्ये 'सात हिंदुस्तानी'मधून अमिताभ यांनी करिअरची सुरूवात केली. पण बॉक्स ऑफिसवर त्यांचे सिनेमे फ्लॉप ठरले. 

'बन्सी बिरजू', 'एक नजर', 'संजोग' आणि 'रास्ते का पत्थर' यांसारखे चित्रपट एकापाठोपाठ एक फ्लॉप झाले. त्यांचा जड आवाज आणि उंच शरीरयष्टी या त्यांच्या कमकुवत बाजू मानल्या जात होत्या. अमिताभ यांनी आशा सोडून इंडस्ट्री सोडण्याचा विचार केला होता. त्याच वेळी, लेखक जोडी सलीम-जावेद यांनी एक अशी पटकथा तयार केली होती जी 'चॉकलेट हीरो' युगाच्या पूर्णपणे विरुद्ध होती. ते रागीट डोळ्यांच्या नायकाच्या शोधात होते. चित्रपटाचे नाव होते 'जंजीर'.

दिग्दर्शक प्रकाश मेहरा यांनी या चित्रपटासाठी सर्वप्रथम धर्मेंद्र यांच्याशी संपर्क साधला. जे तेव्हा 'सुलतान' म्हणून ओळखले जात होते. धर्मेंद्र यांना कथा आवडली आणि त्यांनी होकार दिला, पण त्यात एक ट्विस्ट होता. धर्मेंद्र 'लोफर' आणि 'यादों की बारात' यांसारख्या मोठ्या चित्रपटांमध्ये व्यस्त होते. प्रकाश मेहरा यांना चित्रपटाचे काम लगेच सुरू करायचे होते. पण धर्मेंद्र तारखा देऊ शकले नाहीत. अंतर्गत मतभेद आणि व्यस्त वेळापत्रकामुळे धर्मेंद्र यांनी हा प्रकल्प सोडण्याचा निर्णय घेतला. धर्मेंद्र यांच्या याच 'चुकी'मुळे भविष्यातील 'अँग्री यंग मॅन'चा मार्ग मोकळा झाला.

धर्मेंद्र यांच्या नकारानंतर देव आनंद आणि राजकुमार यांसारख्या मोठ्या नावांनाही चित्रपटासाठी विचारणा करण्यात आली पण सर्वांनी नकार दिला. काहींना गाण्यांशिवाय पोलिसाची गंभीर भूमिका आवडली नाही तर काहींना त्यांच्या प्रतिमेची चिंता होती. अखेरीस सलीम आणि जावेद यांच्या आग्रहामुळे प्रकाश मेहरा यांनी अमिताभ बच्चन यांना संधी दिली. 

जेव्हा 1973 मध्ये 'जंजीर' रिलीज झाला आणि त्याने बॉक्स ऑफिस हादरवलं. 'फ्लॉप मास्टर' म्हणून ओळखले जाणारे अमिताभ बच्चन रातोरात 'नॅशनल क्रश' आणि 'अँग्री यंग मॅन' बनले. धर्मेंद्र यांनी चित्रपट सोडण्याची केलेली चूक अमिताभ यांच्यासाठी जीवनदायी ठरली.

व्यापार विश्लेषकांच्या मते, जर धर्मेंद्र यांनी 'जंजीर' केला असता तर तो केवळ एक सामान्य मसाला हिट ठरला असता. कारण धर्मेंद्र यांची एक ॲक्शन हिरो म्हणून आधीच एक प्रस्थापित प्रतिमा होती. पण अमिताभ यांच्यासाठी तो चित्रपट एक क्रांती होता. त्या एका निर्णयाने बॉलिवूडला आपला सर्वात मोठा स्टार दिला.