Amitabh Bachchan : अमिताभ बच्चन यांची प्रसिद्ध गायकाला धमकी; काय आहे कारण?

राष्ट्रीय पुरस्कार विजेते गायक आणि संगीतकार शंकर महादेवन यांनी आजवर अनेक सुपरहिट गाणी दिली आहेत.

शंकर महादेवन यांच्या सुपरहिट गाण्यांमध्ये 'कजरा रे' या गाण्याचा समावेश आहे. नुकत्याच एका मुलाखतीत शंकर महादेवन यांनी या गाण्याबाबतील एक मजेदार किस्सा शेअर केला आहे.

शंकर महादेवन म्हणाले की,"अमिताभ बच्चन यांनी त्यांच्या मजेदार शैलीत मला करिअर संपवून टाकणार असल्याची चेतावनी दिली होती".

शंकर महादेवन Humans of Bombay च्या ऑल इंडिया मैफिलमध्ये म्हणाले की,"अमिताभ बच्चन यांनी 'कजरा रे' या गाण्याचं प्रचंड कौतुक केलं होतं".

शंकर महादेवन म्हणाले,"मला आठवतंय अमिताभ बच्चन 'रॉक अॅन्ड रोल' या चित्रपटाचं शूटिंग करत होते. त्यावेळी आम्ही सेटवर पोहोचताच त्यांनी गळाभेट घेतली आणि गाण्याचं भरभरून कौतुक केलं. बिग बी खरोखर खूप प्रेमळ आहेत".

'कजरा रे' गाण्याच्या रेकॉर्डिंग दरम्यान अमिताभ बच्चन यांनी आपल्या मजेदार अंदाजात मला करिअर संपवण्याची धमकी दिली होती. शंकर महादेवन म्हणाले,"बच्चन सरांसाठी मी 'कजरा रे' या गाण्याचं रफ वर्जन रेकॉर्ड केलं होतं. त्यावेळी हे गाणं अमिताभ बच्चन यांनी डब करावं अशी माझी इच्छा होती. पण बिग बी म्हणालेले,"हे गाणं आहे तसंच राहुदेत. तू जर या गाण्याला हात लावला तर मी तुझं करिअर संपवून टाकेन".

'बंटी और बबली' या 2005 मध्ये आलेल्या चित्रपटातील 'कजरा रे' हे सुपरहिट गाणं आहे. या गाण्यात ऐश्वर्या राय, अमिताभ बच्चन आणि अभिषेक बच्चन यांचा धमाकेदार परफॉर्मेंस पाहायला मिळाला होता.