Hingoli: कंटेनरला लागली अचानक आग, महामार्गावर पडला नव्या कोऱ्या फ्रीजचा ढीग, PHOTOS

हिंगोलीतील नांदेडकडे जाणाऱ्या राष्ट्रीय महामार्गावर द बर्निंग कंटेनरचा थरार पाहायला मिळाला. सुदैवाने या दुर्घटनेत कोणतीही जीवितहानी झाली नाही. मात्र, कंटेनर मधील 30 ते 40 फ्रिज व ट्रकचे मोठं नुकसान झालं.

आज शनिवारी सायंकाळी कळमनुरी तालुक्यातील दातीफाटा शिवारात राष्ट्रीय महामार्गावर एका कंटेनरने अचानक पेट घेतल्याची घटना घडली आहे.

दिल्लीहून चेन्नईकडे फ्रिजची वाहतूक करणाऱ्या या कंटेनरच्या केबिनमध्ये अचानक आग लागल्याचे चालकाच्या लक्षात आलं.

त्यानंतर चालकाने तात्काळ कंटेनर थांबवून चालक केबिनच्या बाहेर पडला. परंतु ही आग भडकल्या गेली. सुदैवाने या घटनेमध्ये चालकाला काही इजा झाली नाही.

घटनास्थळी पोलिसांनी धाव घेतली, त्याचबरोबर अग्निशामन दलाने देखील धाव घेऊन ही आग आटोक्यात आणली.

या आगीमध्ये जवळपास 30 ते 40 फ्रीज जळून खाक झाले आहेत व कंटेनरचे देखील जळाल्याने मोठे नुकसान झाले आहे.