2 आठवडे घातला राडा आता सगळ्यांवर आली रडण्याची वेळ; BBहाऊसमध्ये आज नेमकं काय घडणार?

बिग बॉस मराठीच्या घरातील तिसरा आठवडा आता सुरू होणार आहे. या आठवड्यात घरातील सगळ्यांचे खरे चेहरे समोर आले आहेत.

2 आठवडे सगळ्या सदस्यांनी घरात तुफान धिंगाणा घातला. मात्र आठवड्याच्या शेवटी सगळ्यांच्या डोळ्यात पाणी आलेलं पाहायला मिळालं. नुसतं पाणी नाही सगळे स्पर्धक ढसाढसा रडताना दिसणार आहेत.

टास्कमध्ये घरातील सदस्य एकमेकांच्या अंगावर धावून गेले, आरडा-ओरडा, गोंधळ, अपमान सगळं झालं पण आजच्या भागात घरात अश्रूंचा महापूर येणार आहे.

बिग बॉसनी सदस्यांबरोबर असा एक खेळ खेळणार आहेत की ज्यामुळे सगळ्यांवर ढसाढसा रडायची वेळ येणार आहे.

भावनांच्या खेळात भावशून्य झालेले घरातील सगळे सदस्य त्यांच्या घरच्यांसोबत फोनवर बोलणार आहेत. हे संभाषण भावनिक झालेलं पाहायला मिळणार आहे.

प्रोमोमध्ये पाहायवा मिळतंय की, घरच्यांना फोन लावताच सगळे सदस्य ढसाढसा रडताना दिसून येत आहेत.

नेहमी एकमेकांत भिडणारे सदस्य आपल्या माणसांकडे मनातील भावना व्यक्त करताना दिसणार आहेत.

गोलीगत सूरज त्याच्या दिवंगत आईला फोन लावणार आहे. सूरजचा त्याच्या आईबरोबरचा संवाद ऐकून प्रेक्षकांचेही डोळे पाणावलेत.