Blockbuster Movie: पत्नीने खर्च केले 300 कोटी, हिरो पतीचा 19 वर्षांनी लहान अभिनेत्रीसोबत रोमान्स; सिनेमा ठरला ब्लॉकबस्टर

असे अनेक स्टार्स आहेत जे आपल्या वयापेक्षा मोठ्या किंवा लहान कलाकारांसोबत रोमान्स करतात. यामुळे अनेकदा त्यांना ट्रोलही व्हावं लागतं. असा एक स्टार ज्याच्या पत्नीचे पैसे भरले आणि हिरोने लहान नायिकेसोबत रोमान्स केला. शेवटी सिनेमा ब्लॉकबस्टर ठरला.

आपण बोलत असलेला हा सिनेमा आहे, 'जवान'. शाहरुख खानचा 'जवान' हा सिनेमा ब्लॉकबस्टर ठरला. हा एक अ‍ॅक्शन-थ्रिलर चित्रपट आहे ज्यामध्ये एक सामान्य माणूस समाजातील अन्याय आणि भ्रष्टाचाराविरुद्ध उभा राहतो. त्याची कथा विक्रम राठोड आणि त्याचा मुलगा आझाद यांच्याबद्दल आहे आणि दोन्ही पात्रे शाहरुख खानने साकारली आहेत.

या सिनेमात दक्षिण चित्रपटसृष्टीतील लेडी सुपरस्टार नयनतारादेखील आहे. शाहरुखने 19 वर्ष लहान नयनतारासोबत रोमान्स केला आहे. ही कहाणी एका गूढ मुखवटा घातलेल्या माणसापासून सुरू होते जो सरकारी व्यवस्थेला आव्हान देतो आणि भ्रष्ट अधिकाऱ्यांना लक्ष्य करतो. लवकरच हे उघड होते की मुखवटा घातलेला माणूस दुसरा तिसरा कोणी नसून आझाद राठोड आहे जो प्रत्यक्षात जेलर आहे.

सरकारी यंत्रणेत बसलेल्या भ्रष्ट राजकारणी, अधिकारी आणि व्यावसायिकांना उघड करणे हे आझादचे उद्दिष्ट आहे. आझादच्या टीममध्ये 6 महिला कैद्यांचा समावेश आहे, ज्यांचा स्वतःचा वाईट भूतकाळ आहे. मग आझादची टक्कर देशातील बेकायदेशीर शस्त्रे आणि भ्रष्टाचाराचा मोठा चेहरा असलेल्या धोकादायक व्यापारी काली (विजय सेतुपती) शी होते.

हा चित्रपट शाहरुख खानची पत्नी गौरी खानने तिच्या रेड चिलीज एंटरटेनमेंट या प्रॉडक्शन हाऊस अंतर्गत तयार केला होता. चित्रपट बनवण्यासाठी सुमारे 300 कोटी रुपये खर्च आले होते. शाहरुख खानने वडील आणि मुलाच्या भूमिकेत भरपूर अॅक्शन आणि स्टंट सीक्वेन्स केले होते, जे चाहत्यांना खूप आवडले.

ट्रेड वेबसाइट सकनिल्कच्या अहवालानुसार, शाहरुख खान आणि नयनतारा यांच्या 'जवान' चित्रपटाने भारतात 640.25 कोटी रुपयांचा व्यवसाय केला. जगभरात एकूण 1160 कोटी रुपये कमाई झाली. अशाप्रकारे, हा चित्रपट त्याच्या खर्चाच्या ३ पट जास्त कमाई करून ऑलटाइम ब्लॉकबस्टर ठरला.

शाहरुख खानच्या या चित्रपटाने वेगवेगळ्या श्रेणींमध्ये 2 डझनहून अधिक पुरस्कार जिंकले आहेत. IMDb नुसार, या चित्रपटाने एकूण 27 पुरस्कार जिंकले. त्याच वेळी, शाहरुख खानला 'जवान' साठी सर्वोत्कृष्ट अभिनेत्याचा राष्ट्रीय पुरस्कार देखील मिळाला. हा किंग खानच्या कारकिर्दीतील सर्वाधिक कमाई करणारा चित्रपट ठरला.