3 तास 19 मिनिटांची ही फिल्म, रिलीजआधी 48 तासांत केली रेकॉर्ड ब्रेक कमाई, थिएटरमध्ये कधी धडकणार?

सनी देओल स्टारर ड्रामा 'बॉर्डर 2' 23 जानेवारी 2026 रोजी थिएटरमध्ये रिलीज होणार आहे. रिलीजआधी 48 तासांत अॅडव्हान्स बुकिंगमध्ये या सिनेमाने रेकॉर्डब्रेक कमाई केली आहे.

देशभक्ती, मोठे स्टार्स आणि आयकॉनिक फिल्म असणाऱ्या 'बॉर्डर 2'ची प्रेक्षक आतुरतेने वाट पाहत आहेत. या शुक्रवारी आणि वीकेंडला हा सिनेमा बॉक्स ऑफिसवर दणदणीत कमाई करताना दिसेल.

सॅकनिल्कच्या आकडेवारीनुसार, ‘बॉर्डर 2’ने हिंदी 2डी फॉरमॅटमध्ये आतापर्यंत 1,02,750 पेक्षा अधिक तिकिटांची विक्री केली आहे. ब्लॉक सीट्स वगळता चित्रपटाची प्री-सेल कमाई 3.34 कोटी रुपयांपर्यंत पोहोचली आहे. तर ब्लॉक सीट्सचा समावेश केल्यास हा आकडा वाढून 6.58 कोटी रुपयांवर जातो. हे सर्व आकडे 21 जानेवारी सकाळी 9 वाजेपर्यंतचे असून, ट्रेड तज्ज्ञांच्या मते पुढील 48 तासांत यात मोठी वाढ पाहायला मिळू शकते.

आता रिलीजला केवळ दोन दिवस उरले असल्याने, अ‍ॅडव्हान्स बुकिंगचा एकूण आकडा सहजपणे 10 कोटी रुपयांचा टप्पा पार करेल, अशी अपेक्षा व्यक्त केली जात आहे. यावरून चित्रपट पहिल्याच दिवशी बॉक्स ऑफिसवर दमदार सुरुवात करेल, असे संकेत मिळतात.

रिलीजपूर्वीच ‘बॉर्डर 2’ने अनेक मोठ्या चित्रपटांचे अ‍ॅडव्हान्स बुकिंग रेकॉर्ड मोडले आहेत, ही बाब विशेष लक्षवेधी आहे. सनी देओलचा मागील सुपरहिट चित्रपट ‘जाट’, ज्याने अ‍ॅडव्हान्स बुकिंगमध्ये 2.4 कोटी रुपयांची कमाई केली होती, त्यालाही ‘बॉर्डर 2’ने मोठ्या फरकाने मागे टाकले आहे. इ ‘धुरंधर’ आणि पॅन इंडिया अ‍ॅक्शन फिल्म ‘वॉर 2’च्या अ‍ॅडव्हान्स बुकिंगपेक्षाही ‘बॉर्डर 2’ पुढे आहे. मात्र, सनी देओल यांची आतापर्यंतची सर्वात मोठी ब्लॉकबस्टर ‘गदर 2’ने अ‍ॅडव्हान्स बुकिंगमध्ये 17.60 कोटी रुपयांची कमाई केली होती आणि सध्या ‘बॉर्डर 2’ तो आकडा गाठू शकलेला नाही.

‘बॉर्डर 2’ हा जेपी दत्ता यांच्या 1997 मधील ऐतिहासिक सुपरहिट चित्रपट ‘बॉर्डर’चा सिक्वेल आहे. या चित्रपटाने भारतीय सिनेमात देशभक्तीपर चित्रपटांना एक वेगळी ओळख मिळवून दिली होती. यावेळी दिग्दर्शनाची धुरा अनुराग सिंग यांनी सांभाळली आहे.

'बॉर्डर 2'मध्ये सनी देओलसोबत वरुण धवन, दिलजीत दोसांझ आणि अहान शेट्टी महत्त्वाच्या भूमिकांमध्ये दिसणार आहेत. भूषण कुमार, कृष्ण कुमार, जेपी दत्ता आणि निधी दत्ता यांनी या चित्रपटाची निर्मिती केली आहे. प्रजासत्ताक दिनाच्या अगदी आधी प्रदर्शित होणारा हा चित्रपट केवळ प्रेक्षकांच्या भावना जागृत करण्याचाच नाही, तर बॉक्स ऑफिसवर नवा इतिहास रचण्याच्या तयारीत असल्याचेही दिसून येते.