Serial TRP Update : टेलिव्हिजनच्या 2 सुनांमध्ये कांटे की टक्कर! मोठ्या सुनेनं मारली बाजी, TRP मध्ये ठरली नंबर वन

रूपाली गांगुलीचा 'अनुपमा' आणि स्मृती इराणीचा 'क्यूंकी सास भी कभी बहू थी 2' TRP चार्टवर वर्चस्व गाजवत आहे.  यावेळी नागिनने जोरदार पुनरागमन केले आहे आणि टॉप 5 मध्ये आपले स्थान निश्चित केले आहे. 'उडने की आशा' च्या टीआरपी रेटिंगमध्येही लक्षणीय वाढ झाली आहे, जी निर्मात्यांसाठी दिलासादायक आहे. 

क्यूंकी सास भी कभी बहू थी 2 - स्मृती इराणी आणि अमर उपाध्याय अभिनीत हा शो गेल्या काही आठवड्यांपासून प्रेक्षकांच्या पसंतीस उतरला आहे. अलिकडेच जेव्हा मिहिरने नोइनाला सर्वांसमोर उघड केले तेव्हापासून मालिका थोडी इंट्रेस्टिंग झाली आहे.  एकता कपूरच्या मालिकेने 2.1 रेटिंग आणि 2.9 रेटिंगसह टीआरपी चार्टवर आपले वर्चस्व कायम ठेवले आहे.

अनुपमा - या यादीत दुसऱ्या क्रमांकावर आहे. प्रार्थनाचा मृत्यू शोच्या चाहत्यांसाठी एक मोठा धक्का होता. या दुर्घटनेनंतर, रूपाली गांगुलीचे पात्र आता पूर्णपणे नवीन वळणावर आहे. कथेत लक्षणीय प्रगती झाली आहे आणि अनुपमा आता गोव्यात नवीन आव्हानांना तोंड देताना दिसणार आहे. शोने 1.9  रेटिंग आणि 3 रेटिंगसह दुसरे स्थान पटकावले.

तुम से तुम तक - शरद केळकर आणि निहारिका चौकसे यांचा शो तुम से तुम तक यावेळी मागे पडताना दिसत आहे. शोचे रेटिंग लक्षणीयरीत्या घसरले आहे. मालिका तिसऱ्या स्थानावर घसरले आहे. या आठवड्यात 1.7 रेटिंग आणि 2.5 रेटिंग मिळाली. प्रेक्षकांना गुंतवून ठेवण्यासाठी, निर्मात्यांना काही मोठ्या आणि मनोरंजक कथानकांची निर्मिती करावी लागेल.

उडने की आशा - कंवर ढिल्लन आणि नेहा हरसोरा यांच्या 'उडने की आशा' या शोसाठी हा आठवडा सेलिब्रेशनचा आहे. दीर्घ प्रतीक्षेनंतर ही मालिका अखेर टॉप 5 मध्ये पोहोचली आहे. शोचा सध्याचा ट्रॅक प्रेक्षकांना खूप आवडतो आहे, ज्यामुळे त्याच्या रेटिंगमध्ये सुधारणा होत आहे. 1.6  रेटिंग आणि 2.5 रेटिंगसह शो चौथ्या क्रमांकावर आहे.

नागीन 7 - प्रियंका चहर चौधरी आणि नामिक पॉल स्टारर 'नागीन 7' ने पुन्हा एकदा सिद्ध केले आहे की त्याला कमी लेखणे चूक ठरेल. काही काळ रेटिंगमध्ये मागे पडल्यानंतर आणि टॉप 5 च्या शर्यतीतून बाहेर पडल्यानंतर शोने पुन्हा दमदार कमबॅक केलं आहे.  1.6 रेटिंग आणि 3.4 च्या मजबूत रेटिंगसह नागिनने पाचवे स्थान मिळवले आहे.