'बॉर्डर 2' चा पहिल्याच दिवशी बॉक्स ऑफिसवर दणका! 'धुरंधर'ला चारली धुळ, 'सैयारा'चाही रेकॉर्ड ब्रेक

सनी देओलचा 'बॉर्डर 2' शुक्रवारी थिएटरमध्ये रिलीज झाला आहे. तब्बल 27 वर्षांनी 'बॉर्डर 2' प्रेक्षकांच्या भेटीला आला. या सिनेमाची प्रेक्षक आतुरतेनं वाट पाहत होते. सिनेमा रिलीज आधीच अँडवान्स बुकींमध्येही हाऊसफुल झाला होता. सिनेमानं पहिल्याच दिवशी अनेक हिंदी सिनेमांचे रेकॉर्ड मोडले आहेत.

आता 'बॉर्डर 2' च्या पहिल्या दिवसाच्या कमाईचे आकडे समोर आलेत. सॅकनिल्कनुसार, सनी देओलच्या 'बॉर्डर 2' पहिल्या दिवशी म्हणजेच शुक्रवारी भारतात एकूण 30 कोटींची कमाई केली आहे. वीकेंडला सिनेमा 100 कोटींच्या घरात जाईल असा अंदाज वर्तवण्यात आला आहे.

प्रेक्षकांमध्ये 'बॉर्डर 2' ची प्रचंड क्रेझ होती. केवळ अॅडव्हान्स बुकिंगमध्ये (प्री-सेल्स) 12.05 कोटींची कमाई झाली आहे. ज्यामध्ये संपूर्ण भारतात 4,00,000 पेक्षा अधिक तिकिटं विकली गेली. हा आकडा धुरंधरपेक्षाही जास्त आहे.

'बॉर्डर'चा सीक्वेल असलेला 'बॉर्डर 2' हा सिनेमा 2026 मधील पहिला मोठा बॉलीवूड रिलीज मानला जात आहे. सिनेमाच्या पहिल्या दिवशीच्या आकड्यांवरून हे बोललं जात आहे. प्रेक्षकांना या सिनेमाडून खूप अपेक्षा होत्या आणि सिनेमा त्या अपेक्षांना खरा उतरला.

पण 'बॉर्डर 2'  विकी कौशलच्या 'छावा' सिनेमाचा विक्रम मोडू शकला नाही. छावाने पहिल्या दिवशी 32 कोटींची कमाई केली. 2023 साली सनी देओलचा 'गदर 2' आला होता. या सिनेमानं पहिल्या दिवशी 40.10 कोटींची कमाई केली.

अनुराग सिंग दिग्दर्शित सनी देओलच्या 'बॉर्डर'मध्ये वरुण धवन, दिलजीत दोसांझ आणि अहान शेट्टी यांच्याही प्रमुख भूमिका आहेत. मोना सिंग, सोनम बाजवा आणि अन्या सिंग हे देखील महत्त्वाच्या भूमिकांमध्ये आहेत.

धुरंधर सिनेमानं पहिल्या दिवशी 28 कोटींची कमाई केली होती. तर सैयाराने पहिल्या दिवशी 21 कोटी कमावले होते. 'बॉर्डर 2' ने धुरंधर आणि सैयारा या दोन्ही सिनेमांचे रेकॉर्ड मोडले आहेत.