Dashavatar Collection : कोकणातील थ्रिल बॉक्स ऑफिसवर हिट! सलग तिसऱ्या आठवड्यात 'दशावतार'ची दमदार कमाई; आकडा आला समोर

ज्येष्ठ अभिनेते दिलीप प्रभावळकर यांची प्रमुख भूमिका असलेला दशावतार हा सिनेमा रिलीज होऊन तीन आठवडे झाले आहेत.

तिसऱ्या आठवड्यातही सिनेमाला प्रेक्षकांची दमदार प्रतिसाद मिळत आहे. सिनेमा बॉक्स ऑफिसवर तुफान कमाई करतोय.

दशावतारने तिसऱ्या आठवड्यातही आपलं स्थान टिकवून ठेवलंय. बॉलिवूड सिनेमांच्या रांगेत दशावतारचे खेळ हाऊसफुल्ल सुरू आहेत.

दशावतारने पहिल्या 8-9 दिवसांतच 10 कोटींहून अधिक कमाई केली होती. त्यानंतर सिनेमाचं बॉक्स ऑफिस कलेक्शन दिवसेंदिवस वाढताना दिसत आहे.

तिसऱ्या आठवड्याच्या मंगळवारी देखील दशावतार सिनेमाची तिकिटं 99 रुपयांना विकण्यात आली होती. ज्याचा फायदा सिनेमाला झाल्याचं दिसतंय.

दशावतार सिनेमानं दुसऱ्या आठवड्यात 10.80 कोटींची कमाई केली होती. त्यानंतर आता सिनेमाचं एकूण कलेक्शन 15 कोटींहून अधिक झालं आहे.

sacnilkच्या रिपोर्टनुसार, दशावतार सिनेमाचं आतापर्यंतचं एकूण कलेक्शन हे 17 कोटी 50 लाख इतकं झालं आहे. निर्मात्यांकडून कलेक्शनचा अधिकृत आकडा अद्याप समोर आलेला नाही.