मन्नत ते लंडन व्हिलापर्यंत, बॉलिवूडचा बादशाह शाहरुखची अब्जावधींची संपत्ती, आकडा डोकं चक्रावणारा

बॉलीवूडचा किंग खान शाहरुखचा 2 नोव्हेंबरला वाढदिवस असतो. त्याचा वाढदिवदिवस एखाद्या सणापेक्षा कमी नसतो. आलिशान पार्टी आणि लाखो चाहते त्याची एक झलक पाहण्यासाठी गर्दी करतात.

शाहरुख खानच्या वाढदिवशी त्याची नेटवर्थ किती आहे? याविषयी जाणून घेऊया. आलिशान आयुष्य जगणारा किंग खान किती कमावतो पाहुया.

शाहरुख खानची एकूण संपत्ती 6000 कोटींच्या आसपास आहे. अभिनयाशिवाय तो अनेक वेगवेगळ्या गोष्टींमधून पैसा कमावतो.

शाहरुखची कमाई मुख्यतः चित्रपट, ब्रँड एंडोर्समेंट्स, रेड चिलीज एंटरटेनमेंट या त्याच्या प्रॉडक्शन हाऊसद्वारे होते. तसेच क्रिकेट टीम कोलकाता नाईट रायडर्सच्या मालकीमधून होते. . तो विविध जाहिरातींमध्ये दिसतो, ज्यामुळे त्याला कोट्यवधी रुपये मिळतात.

शाहरुख खानकडे लक्झरी कार्सचे एक भव्य कलेक्शन आहे. त्याच्याकडे जगातील काही महागड्या गाड्या आहेत. जगातील एक अत्यंत महागडी बुगाटी व्हेरॉन त्याच्याकडे आहे. याशिवाय, रॉल्स रॉयस कूलिनन, बीएमडब्ल्यू 7 सीरीज, बेंटले कॉन्टिनेंटल जीटी, ऑडी ए8 एल, टोयोटा लँड क्रूझर, मित्सुबिशी पजेरो या लग्झरी गाड्या आहेत.

शाहरुख खानकडे अनेक महागड्या प्रॉपर्टी आहेत. मन्नत- मुंबईच्या बँडस्टँड परिसरात असलेली ही त्याची आलीशान बंगलो. याची किंमत 200 कोटी रुपये आहे.

दुबईमध्ये पाम जुमेराह व्हिला आहे. जो शाहरुखला दुबई सरकारने भेट म्हणून दिला आहे. लंडनमधील पार्क लेन परिसरातही त्याची एक आलिशान प्रॉपर्टी आहे.

विविध आंतरराष्ट्रीय प्रॉपर्टीजमध्ये शारजाहमध्ये एक विशेष व्हिला आणि युरोपमध्येही काही प्रॉपर्टीज आहेत. त्यामुळे बॉलिवूडचा किंग खान प्रॉपर्टीच्या बाबतीतही किंग आहे.