गायत्री दातार वयाच्या 31 व्या वर्षी अडकणार विवाहबंधनात, होणाऱ्या पतीसोबतचा PHOTO शेअर करत दिली गुडन्यूज

'तुला पाहते रे','अबीर गुलाल', 'बिग बॉस मराठी' अशा छोट्या पडद्यावरील अनेक मालिकांच्या माध्यमातून घराघरांत पोहोचलेली अभिनेत्री गायत्री दातार लवकरच विवाहबंधनात अडकणार आहे.

गायत्री दातारने सोशल मीडियावर फोटो शेअर करत साखरपुडा केला असल्याची माहिती चाहत्यांना दिली आहे. गायत्रीची ही गुडन्यूज ऐकूण चाहत्यांचा आनंद गगनात मावेनासा झाला आहे.

गायत्री दातारने सोशल मीडियावर दोन फोटो शेअर केले आहेत. पहिल्या फोटोत गायत्री आणि तिचा होणारा पती दिसत आहेत. दोघेही एकमेकांकडे बघत आहेत.

गायत्री दातारने दुसरा फोटो शेअर केलाय तो चाहत्यांचं लक्ष वेधून घेत आहे. कारण या फोटोमध्ये गायत्रीच्या हातात अंगठी दिसत आहे. त्यामुळे गायत्रीने साखरपुडा केल्याचं स्पष्ट होतं.

गायत्री दातारने होणाऱ्या पतीसोबतचा फोटो शेअर करत कॅप्शनमध्ये लिहिलं आहे,"माझ्या आयुष्यात हिरोची एन्ट्री झाली आहे. आयुष्यातील सर्वात बेस्ट क्षण तुमच्यासोबत शेअर करताना मला खूप आनंद होत आहे. 11.12. 2025".

गायत्री दातारला 11 डिसेंबर 2025 रोजी बॉयफ्रेंडने प्रपोज केलं असून त्यांनी साखरपुडा केला आहे. गायत्रीच्या पोस्टवर चाहत्यांसह सेलिब्रिटींकडून अभिनंदनाचा वर्षाव होत आहे.

गायत्रीच्या पोस्टवरील सुबोध भावेची कमेंट मात्र चाहत्यांचं लक्ष वेधून घेत आहे. "भारी... अभिनंदन तुम्हा दोघांचही", अशी कमेंट त्याने केली आहे.