निशिगंधा वाडनंतर प्रसिद्ध मराठी अभिनेत्रीचा भीषण अपघात, शेअर केला कारमधील फोटो

मराठी अभिनेत्री निशिगंधा वाड यांचा अपघात झाल्याची माहिती समोर आली. त्यानंतर आता आणखी एका मराठी अभिनेत्रीचा अपघात झाला आहे.

अभिनेत्रीने तिच्या अपघाताची माहिती सोशल मीडिया पोस्टच्या माध्यमातून दिली आहे. अपघातानंतर कारमधील परिस्थिती तिने फोटो शेअर करत दाखवली आहे.

ही प्रसिद्ध अभिनेत्री म्हणजेच कश्मीरा शाह आहे. कश्मीरा हिंदीसह मराठीतही काम करते. बोल्ड व्यक्तिरेखांसाठी तिची ओळख आहे.

कश्मीराने तिच्या इन्स्टाग्रामवर अपघाताची माहिती दिली आहे. कश्मीराने या फोटोसह पोस्ट शेअर केली आहे.

या पोस्टमध्ये तिने लिहिलंय, ''मला वाचवल्याबद्दल देवाचे आभार. खूप खतरनाक अपघात होता. काहीतरी मोठं घडणार होतं पण छोट्यातच निभावून गेलं. काही दगाफटका होणार नाही अशी उम्मीद आहे. प्रत्येक दिवस प्रत्येक क्षण एका वेळी जगा. तो क्षण परत येण्याची वाट पाहू शकत नाही. आज मला माझ्या कुटुंबाची खूप आठवण येत आहे.''

काश्मीराने 'आव्हान', 'एफ यू', 'कोण नाय कोनच डाळ भात लोनच', 'शिकारी', 'जय जय महाराष्ट्र माझा' सारख्या मराठी सिनेमात काम केलं आहे.

कश्मीराने प्रसिद्ध कॉमेडियन आणि अभिनेता कृष्णा अभिषेकशी लग्न केलं आहे. कृष्णा हा अभिनेता गोविंदाचा भाचा आहे.