राणा दा-पाठकबाई ते देवमाणूस, या मराठी कलाकारांची मालिकेच्या सेटवर जुळली रेशीमगाठ!

एकाच मालिकेत एकत्र काम करताना अनेकदा कलाकारांमध्ये छान मैत्री होती. पुढे या मैत्रीचं रुपांतर प्रेमात होत. अशाच काही जोड्या आपण पाहणार आहोत, जे एकाच मालिकेत काम करत होते व नंतर ते खऱ्या आयुष्याचे जोडीदार बनले.

'देवमाणूस' या मालिकेच्या माध्यमातून छोटा पडदा गाजवणारा किरण गायकवाड आणि 'तू चाल पुढं' या मालिकेच्या माध्यमातून घराघरांत पोहोचलेली वैष्णवी कल्याणकर यांनी 14 डिसेंबर 2024 रोजी लग्नगाठ बांधली होती.

'लक्ष्मी निवास' फेम मेघन जाधव लवकरच आपल्यापेक्षा 9 वर्षांनी लहान असलेली अभिनेत्री अनुष्का पिंपूटकरसोबत लग्नबंधनात अडकणार आहे. काही दिवसांपूर्वीच त्यांनी प्रेमाची कबुली दिली आहे.

'बिग बॉस मराठी 4'मध्ये प्रसाद जवादे आणि अमृता देशमुख यांच्यात चांगली मैत्री झाली. पुढे या मैत्रीचं रुपांतर प्रेमात झालं आणि त्यांनी एकमेकांसोबत संसार थाटला.

संकेत पाठक आणि सुपर्णा श्याम हे छोट्या पडद्यावरील प्रसिद्ध जोडप्यांपैकी एक आहेत. दोघांनी 'दुहेरी' या मालिकेत एकत्र काम केलं होतं. 2023 मध्ये त्यांनी खऱ्या आयुष्यात लग्नगाठ बांधली.

'लग्नानंतर होईलच प्रेम' या मालिकेच्या माध्यमातून प्रेक्षकांच्या भेटीला येणारा विजय आंदळकर आणि रूपाली झनकर यांनी कोरोनाकाळात लग्न केलं. लग्नाची वाईफ वेडिंगची बायकू या मालिकेत दोघांनी एकत्र काम केलं होतं.

'तुझ्यात जीव रंगला' या मालिकेच्या माध्यमातून घराघरांत पोहोचलेले राणा दा आणि पाठक बाई म्हणजेच हार्दिक जोशी आणि अक्षया देवधर खऱ्या आयुष्यातही एकमेकांच्या लग्नबंधनात अडकले आहेत.