दिल्लीत मोहनलालचा गौरव, केरळमध्ये डायरेक्टरच्या घरावर छापा, मित्राचा मुलगाही अडणीत, काय आहे प्रकरण?

मल्याळम चित्रपटसृष्टीतील दोन मोठे स्टार्स, अभिनेता दुल्कर सलमान आणि पृथ्वीराज सुकुमारन, यांच्या घरी कस्टम्स विभागाने अचानक छापा टाकला आहे, ज्यामुळे चित्रपटसृष्टीत मोठी खळबळ उडाली आहे. हा छापा लक्झरी कारच्या तस्करीच्या एका मोठ्या प्रकरणाशी संबंधित आहे.

गेल्या काही दिवसांपासून कस्टम्स विभाग ‘ऑपरेशन नुमखोर’ नावाचं एक मोठं अभियान चालवत आहे. ‘नुमखोर’ या भूतानी भाषेतील शब्दाचा अर्थ ‘वाहन’ असा होतो.

या अभियानाअंतर्गत, कस्टम्स विभाग अशा लोकांच्या घरी छापे टाकत आहे, ज्यांनी अवैधपणे महागड्या गाड्या भारतात आणल्या आहेत.

कस्टम्स अधिकाऱ्यांनी सांगितलं की, त्यांना अशा १०० गाड्यांची माहिती मिळाली आहे, ज्यांना भूतानमधून तस्करी करून भारतात आणण्यात आलं. या गाड्यांना जुन्या गाड्या म्हणून आणलं जातं, पण भारतात त्यांना नव्या गाड्या म्हणून विकलं जातं.

दुल्कर सलमान आणि पृथ्वीराज सुकुमारन यांच्या घरी कस्टम्सने छापा टाकला. पण, तपासानंतर अधिकाऱ्यांनी सांगितलं की, त्यांच्या घरी कोणतीही अवैध लक्झरी कार सापडली नाही, ज्यामुळे त्यांच्या चाहत्यांना मोठा दिलासा मिळाला आहे.

याबद्दल कस्टम्स अधिकाऱ्यांनी म्हटलं की, जर कुणाकडे अशा अवैध गाड्या सापडल्या, तर त्या गाड्या जप्त केल्या जातील आणि त्यांच्या मालकांवर कठोर कायदेशीर कारवाई केली जाईल.

दरम्यान, पृथ्वीराज सुकुमारनने मोहनलाल यांचा आगामी चित्रपट L2: Empuraan चे दिग्दर्शन केले आहे. तर मोहनलाल आणि त्यांच्या कुटुंबाचे दुल्कर सलमानच्या कुटुंबाशी जवळचे नाते आहे.