छोट्या पडद्यावरील प्रसिद्ध अभिनेता या दिवशी गर्लफ्रेंडसोबत घेणार सात फेरे, शेअर केली वेडिंग डेट

छोट्या पडद्यावरील प्रसिद्ध अभिनेता सिद्धार्थ खिरीड लवकरच गर्लफ्रेंडसोबत विवाहबंधनात अडकणार आहे. सोशल मीडियाच्या माध्यमातून त्याने चाहत्यांना गुडन्यूज दिली आहे.

सिद्धार्थ खिरीडने काही दिवसांपूर्वी 'Single अध्याय संपला' अशी कॅप्शन देत प्रेमाची जाहीर कबुली दिली होती. त्याच्या गुडन्यूजने चाहत्यांना सुखद धक्का बसला होता.

सिद्धार्थने आता लवकरच लग्नबंधनात अडकणार असल्याचं जाहीर केलं आहे. त्याने हटके स्टाइलने वेडिंग डेट जाहीर केली आहे.

सिद्धार्थने 'लॉन्चिंग Soon' असं म्हणत गर्लफ्रेंडसोबतचे फोटो शेअर केले आहे. या फोटोंमध्येच त्यांची वेडिंग डेट दडलेली आहे. 23 जानेवारी 2026 रोजी सिद्धार्थ विवाहबंधनात अडकणार आहे.

सिद्धार्थच्या या पोस्टवर अनेक मराठी सेलिब्रिटींसह चाहत्यांनी शुभेच्छांचा वर्षाव केला आहे. प्री-वेडिंगसाठी त्यांनी खास वेस्टर्न लूक केला होता.

सिद्धार्थच्या होणाऱ्या पत्नीचं नाव डॉ. मैथिली भोसेकर आहे. मैथिली ही एक सौंदर्यवती असून 'मिस इंटरनॅशनल वर्ल्ड पेटिट 2022-23' ही स्पर्धा तिने जिंकली होती. तसेच पॅरिस फॅशन वीकमध्येही ती झळकली होती.

सिद्धार्थ खिरीड सध्या 'मुरांबा' या मालिकेच्या माध्यमातून प्रेक्षकांच्या भेटीला येत आहे. तसेच 'मुलगी झाली हो','फ्रेशर्स','जाऊबाई जोरात','हृदयी प्रीत जागते' या मालिकांमध्येही त्याने काम केलं आहे.