2 महिन्यांपूर्वीच झाला बाबा, आता सगळ्यांसमोर आणलं; 'तुझ्यात जीव रंगला' फेम अभिनेत्याच्या लेकीचं बारसं

'तुझ्यात जीव रंगला' मालिकेतील अभिनेता जो डिसेंबर 2025 मध्येच बाबा झाला. 4 डिसेंबर 2025 रोजी त्याने गूड न्यूज दिली. आपल्या घरी लक्ष्मी आल्याचं त्याने सांगितलं.

2 महिन्यांनी या अभिनेत्याने आपल्या लेकीचं बारसं केलं आहे. पहिल्यांदाच त्याने आपल्या लेकीला सगळ्यांसमोर आणलं आहे.

हा अभिनेता आहे अमोल नाईक. ज्याने तुझ्यात जीव रंगला मालिकेत राणादा म्हणजेच हार्दिक जोशीचा जीवलग मित्र बरकतची भूमिका साकारली होती.

4 डिसेंबरला दत्त जयंतीच्या दिवशी अमोलला कन्यारत्न प्राप्ती झाली. याबाबत त्याने सोशल मीडियावर पोस्ट शेअर केली होता. आता त्याने आपल्या मुलीचं बारसं केलं आहे.

अमोल नाईकने त्याच्या मुलीचं नाव अक्षया असं ठेवलं आहे.तुझ्यात जीव मालिकेत अंजली किंवा पाठकबाईची भूमिका साकारणारी अक्षया देवधरचं नाव त्याने आपल्या मुलाला दिलं आहे.

यावेळी अक्षयाचा नवरा अभिनेता हार्दिक जोशीही या बारशाला होता. त्यानेही या छोट्याशा अक्षयाला आपल्या हातात घेतलं आणि तिला आशीर्वाद दिला.

अमोल नाईकच्या कामाबद्दल बोलायचं झालं तर त्याने 'तुझ्यात जीव रंगला', 'आई तुळजाभवानी' यासारख्या मालिकांमध्ये काम केलं आहे. शिवाय तो काही हिंदी मालिकांमध्येही झळकला आहे. (सर्व फोटो : सोशल मीडिया)