आता पृथ्वीवर राहणार नाहीत पुरूष, शास्त्रज्ञांचं धक्कादायक संशोधन; जगावर येणार स्त्रियांचं राज्य!

आपले जग पुरुष आणि स्त्रियांच्या सहअस्तित्वावर आधारित आहे. जर स्त्री-पुरुषांमधील संतुलन बिघडले, तर मानवी संस्कृती लवकरच नष्ट होईल. असाच एक धक्कादायक दावा आता शास्त्रज्ञांनी केला आहे. 'प्रोसीडिंग्ज ऑफ द नॅशनल ॲकॅडमी ऑफ सायन्सेस' (Proceedings of the National Academy of Sciences) या अहवालात म्हटलं आहे की, भविष्यात पृथ्वीवरून पुरुष जात (male race) नाहीशी होऊ शकते!

मानवी पेशींमध्ये X आणि Y असे दोन प्रकारचे क्रोमोसोम (chromosome) असतात. X क्रोमोसोम स्त्रियांचे लिंग निश्चित करतो, तर Y क्रोमोसोम पुरुषांचे लिंग निश्चित करतो. मात्र, गेल्या काही वर्षांपासून Y क्रोमोसोमची संख्या हळूहळू कमी होत आहे, असं या अहवालात नमूद केलं आहे.

मनुष्य आणि इतर सस्तन प्राण्यांमध्ये, Y क्रोमोसोम पुरुषाचे लिंग निश्चित करतो. स्त्रियांमधील X क्रोमोसोमपेक्षा Y क्रोमोसोम खूप लहान असतो. X क्रोमोसोममध्ये 900 जीन्स (genes) असतात, तर Y क्रोमोसोम केवळ 55 जीन्सनी बनलेला असतो.

गर्भधारणेच्या 12 आठवड्यांनंतर, Y क्रोमोसोमवरील मास्टर जीन एक जनुकीय मार्ग (genetic pathway) तयार करतो, ज्यामुळे पुरुष प्रजनन अवयवांची निर्मिती होते. हेच जीन SOX9 ला उत्तेजित करते, ज्यामुळे नंतर गर्भ मुलाच्या रूपात जन्माला येतो.

मेलबर्न विद्यापीठातील आनुवंशिकशास्त्रज्ञ (geneticist) जेनिफर ग्रेव्ह्स यांनी यावर संशोधन केले आहे. त्या म्हणतात, "गेल्या 166 दशलक्ष वर्षांमध्ये, मनुष्य आणि प्लॅटिपस या दोन्हीमध्ये Y क्रोमोसोमवरील 55 ते 900 सक्रिय जीन्स गमावले आहेत."

संख्येनुसार, हा तोटा प्रति दशलक्ष किंवा दहा लाख वर्षांत पाच इतका आहे. याचा अर्थ, जर जीन्सचा हा तोटा याच वेगाने सुरू राहिला, तर पुढील 11 दशलक्ष वर्षांत Y क्रोमोसोमवरील शेवटचे 55 जीन्स देखील नष्ट होतील. मानवामध्ये असे काही घडल्यास चांगले होईल, अन्यथा भविष्यात महिलांचे राज्य जगावर येईल.

शास्त्रज्ञांना वाटते की, पुरुष क्रोमोसोमच्या सततच्या घसरणीमुळे मानवजातीच्या अस्तित्वावर परिणाम होऊ शकतो. या संशोधन पेपरमध्ये असे म्हटले आहे की, Y क्रोमोसोम नसलेल्या उंदरांच्या दोन प्रजातींनी आपले अस्तित्व वाचवले आहे. या उंदरांनी Y क्रोमोसोम नामशेष होण्यापूर्वी एक नवीन क्रोमोसोम तयार केला आहे, जो नर उंदरांच्या जन्मासाठी आवश्यक आहे. ही बातमी नक्कीच दिलासा देणारी आहे.